मतदानअघि एकपटक एमालेलाई सोधौँ, ‘राजवादीसँगको गठजोडले गणतन्त्र जोगिन्छ ?’

नेपाली श्रमजीवी वर्गको राजनीतिक प्रतिनिधिका रुपमा आफुलाई दाबी गर्ने नेकपा एमालेले आफूलाई नेपाली जनताको वर्गीय र सामाजिक मुक्ति, नेपालको सार्वभौमसत्ता, स्वतन्त्रता, स्वाधीनता, भौगोलिक अखण्डता र राष्ट्रिय हितको रक्षा, जनतामा निहित सार्वभौमसत्ता र लोकतान्त्रिक प्रणालीका सञ्चालित पार्टीको रुपमा परिभाषित गरेको पाइन्छ । माक्र्सवाद–लेनिनवाद र जनताको बहुदलीय जनबादलाई मार्गदर्शन सिद्धान्त बोकेका नेकपा एमाले यतिबेला हजारौं जनताको त्याग तपस्या र बलिदानबाट प्राप्त संविधान, संघीय गणतन्त्र, धर्मनिरपेक्ष, समानुपातिक समाबेशिता जस्ता महत्त्वपूर्ण उपलब्धिको विरुद्ध खडा भएका राजावादीहरुको वैशखी टेकेर हिडिरहेका छन् । १९ दिने जनआन्दोलनको क्रममा संघीय गणतान्त्रिक व्यवस्था ल्याउनका लागि एमालेको झन्डामुनि बसेका हजारौं नेता कार्यकर्ताहरुले सडकमा टाउको फुटाएका थिए, कतिले बलिदान नै दिए तर आज नेतृत्वको सीमित स्वार्थको लागि गणतन्त्र विरोधी शक्तिहरुसँग कुम जोड्न जानु लज्जाको विषय मत्रै होइन, नैतिकहीन पनि छ । थप पढ्नुहोस् ...

अनिस तामाङ २६ आश्विन २०७९, बुधबार