सम्पादकीय : संविधान संशोधनको बाटोमा अगाडि बढौँ

उज्यालो प्रतिनिधि ३ आश्विन २०७८, आईतवार सम्पादकीय

आज संविधान दिवसको सातौँ संस्करण । आजभन्दा ६ वर्षअगाडि वि.स. २०७२ साल असोज ३ गते मुलुकमा संविधान जारी भएको थियो । आजको दिन हजारौँ हजार नेपाली जनताको त्याग र बलिदानको जगमा ऐतिहसिक रुपमा संविधान निर्माण भएको दिन हो ।

संविधानसभाबाट जनताको प्रनिधिले संविधान निर्माण गर्नु सामान्य कुरा थिएन । यो नेपालको राजनीतिक परिवर्तनको दृष्ट्रिले मात्रै होइन, संविधानमा उल्लेख भएका कतिपय प्रावधानहरुका कारण यो संविधान उत्कृष्ट र ऐतिहासिक छ, भन्दा फरक पर्दैन ।

तर, मुलुकले नयाँ संविधान पाउँदा देशमा खुुसीसँगै असन्तुष्टिसमेत देखिएको थियो । मधेसको असन्तुष्टिले देशलाई नाकाबन्दीसम्म पु¥यायो । एकातिर संविधान निर्माण भएको खुसियालीमा दीप प्रज्वलन भइरहेको थियो भने मधेसमा आन्दोलनको राँको बलिरहेको थियो । यद्यपि योबीचमा बिस्तारै संविधानको अभ्यासले सार्थकता पाइरहेको छ । गणतन्त्रको संस्थागत विकास र अभ्यासले गति लिँदै छ । देशले सङ्घीयताको अभ्यास गरिरहेको छ । केन्द्रमा एक, सात प्रदेश र ७५३ वटा स्थानीय सरकार युगयुगको नेपाली सपना साकार पार्न यत्नरत छन् ।

तर, यो संविधानले आफ्नो गति लिँदै गर्दा संविधानमा हुँदै नभएको व्यवस्था विपरीत पछिल्लोपटक केही शासकले संविधानको मर्मपरीत संघीय संसदको प्रतिनिधिसभा विघटन गर्ने काम भयो । नागरिक समाजदेखि, विभिन्न दल, बौद्धिक जगतदेखि संविधानविद्हरुले समेत संविधानविपरीत भएको संसद विघटनको विरुद्धमा आन्दोलनको मोर्चामा उभिएपछि असंवैधानिक तरिकाबाट संसद विघटन गर्ने खड्गप्रसाद ओली नेतृत्वको सरकारको योजना असफल भयो । सर्वोच्च अदालतले संविधान बचायो ।

हो, अहिलेको संविधान सर्वोच्चले बचाएर ल्याएको संविधान हो । सर्वोच्च अदालतको सही व्याख्याका कारण यो संविधानले फेरि आफ्नो जीवन पाएको छ । संविधानवादकाविरुद्ध उभिएकाहरुविरुद्धको आन्दोलन अझै जरुरी भएको तथ्य यसले देखाएको छ ।

तर, संविधान आवश्यकता र औचित्यका आधारमा संशोधन हुने दस्तावेज हो । संविधानमा आज पनि मधेसी, जनजाति, थारु, महिला र उत्पीडित वर्गहरुको पूर्ण अधिकार समेटिएको छैन । अब राजनीतिक दलका नेतृत्वहरुले संविधान संशोधनको बाटोमार्फत् मुलुकका सबै क्षेत्रका सबै जात जातिको संविधानमा प्रतिनिधित्व गराउनु अपरिहार्य बनेको छ ।

अब हुने संविधान संशोधनले यो संविधानलाई कमजोर होइन, झन् बलियो बनाउने निश्चित छ । तसर्थ, अब संविधान संशोधनको माध्यमबाट यो संविधानमा सबैको अपनत्व गराउँदै संविधानलाई झन् बलियो बनाउनेतिर दलहरुले ध्यान दिन जरुरी छ ।

Facebook Comments Box

सम्पादकीय

सबै

रमेश श्रेष्ठको गैरकानुनी धन्दामाथि छानबिन गर !

काठमाडौं । युएईमा दर्ता भएको नेपाली संस्था नेपाल एसोसिएसनका अध्यक्ष रमेश श्रेष्ठले दुबईमार्फत अष्ट्रेलिया पठाउँछु भन्दै दर्जनौं युवाहरूमार्फत् लाखौँ रकम

उज्यालो प्रतिनिधि ९ माघ २०७८, आईतवार

सम्पादकीय : संविधान संशोधनको बाटोमा अगाडि बढौँ

उज्यालो प्रतिनिधि ३ आश्विन २०७८, आईतवार

विशेष सम्पादकीय : राष्ट्रपतिलाई महाअभियोग लगाउन बिलम्ब नगरौँ

बुद्ध लोप्चन २८ असार २०७८, सोमबार

ख्यालख्याल होइन, कोरोना

उज्यालो प्रतिनिधि २५ बैशाख २०७८, शनिबार