दुई दिने ‘स्पटमोसन एनिमेसन’ कार्यशाला हुँदै

काठमाडौँ, युक्रेनका फिल्म निर्माता पोलिना पिड्दुब्नाले काठमाडौँमा दुई दिने स्पटमोसन एनिमेसन कार्यशाला आयोजना गर्ने भएका छन् । एनिमेसन भिडियोहरु बनाउने र सोमार्फत मानव संवेदनालाई उजागर गर्ने हेतुले कार्यशाला गर्न लागिएको आयोजकले जनाएको छ । कार्यशाला यही पुष १२ र १३ गते जोरपाटीस्थित तारागाउँ म्युजियममा हुनेछ । सहभागीहरूको सिर्जनासँगै कान्स फिल्म फेस्टिभलमा प्रिमियर भएको पोलिनाको फिल्म ‘मेरी हजुरआमा एक स्काइडाइभर’ पनि प्रदर्शन गरिने जनाइएको छ । बर्लिनमा बस्दै आएकी युक्रेनी मुलकी फिल्म निर्माता तथा कलाकार पोलिनाले एनिमेसनमा स्नातक गरेका छन् । उनि हाल पोट्सड्यामको फिल्म युनिभर्सिटी बेबल्सवर्ग कोनराड वल्फमा एनिमेसन निर्देशकको रूपमा कार्यरत छन् । कार्यशालामा सिकाइएका एनिमेसन सहभागीले यही पुस १९ गते प्रर्दशन गर्ने समेत जनाइएको छ । थप पढ्नुहोस् ...

उज्यालो प्रतिनिधि १ पुष २०८२, मंगलवार