रमेश श्रेष्ठको गैरकानुनी धन्दामाथि छानबिन गर !

काठमाडौं । युएईमा दर्ता भएको नेपाली संस्था नेपाल एसोसिएसनका अध्यक्ष रमेश श्रेष्ठले दुबईमार्फत अष्ट्रेलिया पठाउँछु भन्दै दर्जनौं युवाहरूमार्फत् लाखौँ रकम असुलेको पाइएको छ । उज्यालो नेटवर्क डटकममार्फत यस विषयमा समाचार प्रकाशित भएपछि समाचार हटाउनका लागि दबाब दिँदै टेलिफोनमार्फत श्रेष्ठ आफैँले आफूले रकम लिएको स्वीकार गर्दै बन्दाबन्दीका कारण उनीहरुलाई अष्ट्रेलिया पठाउन नसकेको बताएका छन् । श्रेष्ठ अध्यक्ष रहेको जिसिडि एचआर एण्ड म्यानेजमेन्ट कन्सल्टेन्सीले सन २०२० जुन २१ तारिखको दिन अष्ट्रेलिया पठाउँछु भन्दै दर्जनौं युवाहरूको नक्कली अफर लेटर र भिसा बनाएर प्रति व्यक्ति ६ लाख देखि ८ लाख नेपाली रुपैयाँसम्म असुलेको पुष्टि भएको छ । प्राप्त सुचनाअनुसार श्रेष्ठले म्याग्दी घर भएका काजीमान बुढाथोकीलगायतका दर्जनौं युवाहरूमार्फत रकम असुलेका छन् । उनीहरुलाई करिब दुई वर्षदेखि अष्ट्रेलिया पठाउने सपना देखाएर श्रेष्ठले अलपत्र पारेका छन् । थप पढ्नुहोस् ...

उज्यालो प्रतिनिधि ९ माघ २०७८, आईतवार