उज्यालो प्रतिनिधि
काठमाडौ । पछील्लो २४ घण्टामा काठमाडौं उपत्यकामा ६२ जनामा कोरोना सङ्क्रमण पुष्टि भएको छ ।
पछिल्लो २४ घण्टामा काठमाडौं र ललितपुरमा गरी ६२ जनामा सङ्क्रमणको पुष्टि भएको स्वास्थ्य तथा जनसंख्या मन्त्रालयले जानकारी दिएको हो ।
मन्त्रालयका प्रवक्ता डा. जागेश्वर गौतमले काठमाडौंमा ५७ जना र ललितपुरमा पाँच जनामा सङ्क्रमणको पुष्टि भएको जानकारी दिनुभयो ।
उहाँका अनुसार राष्ट्रिय जनस्वास्थ्य प्रयोगशाला, टेकुमा काठमाडौंका २७ जनामा सङ्क्रमण्को पुष्टि भएको छ ।
शुक्रराज ट्रपिकल अस्पताल, टेकुमा ललितपुरका एक र काठमाडौंका १४ जनामा सङ्क्रमणको पुष्टि भएको छ ।
ललितपुरस्थित पाटन अस्पतालमा काठमाडौंको दुई तथा ललितपुरका दुईजनामा सङ्क्रमितको पुष्टि भएको छ ।
त्रिवि शिक्षण अस्पताल, महाराजगञ्जमा एक, नेपाल प्रहरी अस्पतालमा काठमाडौंका ११ तथा स्टार अस्पताल सानेपामा एक र बीआइडीएच ल्याबमा काठमाडौंका एकजनामा सङ्क्रमणको पुष्टि भएको मन्त्रालयले जनाएको छ ।
उज्यालो प्रतिनिधि
बुद्ध लोप्चन
उज्यालो प्रतिनिधि