काठमाडौं । गएराति बार्सिलोना र रियल भाल्लाडोलिडको बिचको खेलमा १-० ले भाल्लाडोलिड पराजित भएको छ । अर्टुरो भिदालको एक गोलको मद्दतले बार्सिलोना विजय भएको हो । बार्सिलोनाले शीर्ष स्थानको रियल मड्रिडसंग अंकदूरी १ मा झार्दै उपाधि जित्ने सम्भावना कायमै राखेको छ ।

खेल सुरु भएको १६ औं मिनेटमा कप्तान लिओनल मेसीको पासमा भिदालले गरेको गोल बार्सिलोनालाई ३ अंक दिलाउन निर्णयाक बनेको थियो । यस सिजन मेसीको यो २०औं असिस्ट हो र उनी एकै सिजन २० गोल र असिस्ट गर्ने थियरी अनरीपछि पहिलो खेलाडी समेत बनेका छन् ।

जितपछि बार्सिलोनाले ३६ खेलबाट ८९ अंक जोडेको छ । एक खेल कम खेलेको रियल ८० अंकसहित शीर्ष स्थानमा छ ।