काभ्रे खानीखोला–४ को वडा कार्यालय भवन शिलान्यास

उज्यालो प्रतिनिधि उज्यालो प्रतिनिधि २२ मंसिर २०७७, सोमबार फोटो समाचार

काभ्रे । जिल्लाको विकट क्षेत्र खानीखोला गाउँपालिका वडा नं. ४ स्थित् जगथलीमा वडा कार्यालयको भवन शिलान्यास गरिएको छ । करिब एक करोड लगातमा निर्माण हुन लागेको वडा कार्यालय भवनको आइतवार गाउँपालिकाका उपप्रमुख रुक्मनी गुरुङले एक कार्यक्रमबीच शिलान्यास गरेका हुन् ।

शिलान्यास कार्यक्रममा गाउँपालिकाका उपप्रमुख गुरुङले स्थानीय सरकार आएसँगै बिगत बर्षको तुलनामा महसुस हुने प्रगति भएको बताए । उनले नागरिकका चाहनाअनुसारक धेरै काम गर्न बाँकी रहेको र जनतालाई केन्द्रमा राखेर आफुहरु रात दिन काम गरिरहेको बताए । त्यस्तै, गाउँपालिका उपप्रमुख गुरुङले भवन निर्माणका क्रममा गुणस्तरीयतामा ध्यान दिनसमेत निर्माण कम्पनीलाई आग्रह समेत गरिन् । ‘जनताले तिरेको करबाट वडा कार्यालय भवन निर्माण हुँदैछ’, उनले भनिन्, ‘यसमा हामी सबैले निगरानी गर्न जरूरी छ ।’

कार्यक्रममा गाउँपालिकाका प्रवक्त तथा वडा नं. ६ का वडाध्यक्ष मान बहादुर गोल पूर्वाधार निर्माण कार्यक्रमअन्तर्गत वडा कार्यालय भवन निर्माण सुरू गरिएको बताए ।

त्यस्तै, शिलान्यास कार्यक्रममा खानीखोला–४ का वडाध्यक्ष वीर बहादुर वाईबाले वडा कार्यालयको भवन निर्माणपछि सेवाग्राहीलाई आफ्नै वडाको भवनबाट छिटो छरितो तरिकाले सेवा प्रदान हुने बताए । ‘वडा कार्यालय एक वर्ष अर्थात् ०७८ असार मसान्तसम्म सम्पन्न हुने गरी शिलान्यास गरिएको हा,े’ उनले भने, भवन निर्माण सम्पन्न भएपछि बैठक कक्ष, प्रशासनिक काम र वडामातहतका अन्य सेवा सञ्चालन हुनेछ ।’

वडाको विकासका लागि सबै राजनीतिक दलहरुसँग सहकार्य गर्दै विकास र समृद्धिका लागि सधै समर्पित हुने उनको भनाइ छ । त्यस्तै, वडा सचिव रामकृष्ण आर्यालले करिब एक करोड रुपैयाँ लागतमा साँढे दुई तले भवन निर्माण हुन लागेको जानकारी दिए । वडा कार्यालयको भवन निर्माणको लागि स्थानीय लाल बहादुर माझी र कान्छा सिपाली जग्गादान गरेका हुन् ।

भवन निर्माणका लागि मकवानपुर जिल्लाको बागमती गाउँपालिका–५ फापरबारीका अमृता कन्स्ट्रक्सनले भ्याटसहित ९८ लाख ३५ हजार २ सय २३ रुपैयाँमा काम कबोल गरेका छन् । कम्पनीका प्रतिनिधि रमेश राउतले ०७७ साउन ३१ गते भवन निर्माणको लागि सम्झौता भएपनि इन्जिनियरले दिएको नक्सा फरक भएको कारण पुन अर्काे नक्सा बनाउने काम हुँदा केही ढिलाई भएको जानकारी दिए । उनको अनुसार ०७८ साउन ३१ (१ वर्ष) भित्रमा भवन निर्माण कार्य सम्पन्न गरिसक्नु पर्नेछ । उनले तोकिएको अवधिभन्दा अगाडि चैत्र समान्तभित्र नै निर्माण कार्य सम्पन्न गर्नेगरी आफु लागेको बताए । यस अघि वडा नं. ३ जुरेमा पनि वडा कार्यालय निर्माणका लागि शिलान्यास भइसकेको छ ।

भवन शिलान्यास कार्यक्रममा वडा नं. ५ का वडाध्यक्ष दुर्गा तिमल्सिना, वडा नं. ४ का वडा सचिव रामकृष्ण आर्याल लगायत स्थानीय तथा विभिन्न राजनीतिक दलका प्रतिनिधि, भवन निर्माणका कम्पनीका प्रतिनिधि, आमा समूहका प्रतिनिधिहरुको उपस्थिति रहेका थिए ।

Facebook Comments Box

सम्पादकीय

सबै

प्रधानमन्त्रीबाट तत्काल राजीनामा देऊ

प्रधानमन्त्री खड्ग प्रसाद ओलीले ५ पुस ०७७ मा संविधानमा नभएको अधिकार प्रयोग गर्दै गरेको संघीय संसदको प्रतिनिधिसभा विघटनलाई सर्वोच्च अदालतले

उज्यालो प्रतिनिधि उज्यालो प्रतिनिधि ११ फाल्गुन २०७७, मंगलवार

संवैधानिक ‘कू’ को सर्वत्र विरोध गरौँ

उज्यालो प्रतिनिधि उज्यालो प्रतिनिधि ५ पुष २०७७, आईतवार

गैरजिम्मेवार सरकार

उज्यालो प्रतिनिधि उज्यालो प्रतिनिधि १७ कार्तिक २०७७, सोमबार

प्रहरी आदेशपालक होइनन्

उज्यालो प्रतिनिधि उज्यालो प्रतिनिधि १४ कार्तिक २०७७, शुक्रबार