उज्यालो प्रतिनिधि
काभ्रे । काभ्रेको डाँडापारि क्षेत्रमा पर्ने खानीखोला गाउँपालिकास्थित नेपाली कांग्रेस र नेकपा एमालेमा वर्षौदेखि सक्रिय कार्यकर्ता नेकपा (माओवादी केन्द्र) प्रवेश गरेका छन् ।
शनिबार खानीखोला गाउँपालिकाको केन्द्र ताल्ढुंगामा आयोजित एक कार्यक्रमका बीच कांग्रेस र एमालेमा सक्रिय दर्जनौँ कार्यकर्ता माओवादी केन्द्रमा प्रवेश गरेका हुन् ।
माओवादी केन्द्र प्रवेश गर्नेहरुमा खानीखोला–०४ निवासी कांग्रेसमा क्रियाशील धन बहादुर गोले, उर्मिला मोक्तान वाइबा, कान्छी मायाँ जिम्बा, छली मायाँ स्याङ्तान, सुरज स्याङतान, वडा नं. १ निवासी आशाकाजी गोले र एमालेमा संगठित रहरसिंह ब्लोन छन् ।
नवप्रवेशीहरुलाई नेकपा माओवादी केन्द्रका केन्द्रीय सदस्य, पूर्वमन्त्री एवं प्रतिनिधिसभा सदस्य सुर्यमान दोङ लालध्वज, संविधानसभा सदस्य डिल्लीमान तामाङ, माओवादी केन्द्र बागमती प्रदेशका सचिव इन्द्रबहादुर थिङ छिन्ताङ लगायतले टीका र खादा लगाएर स्वागत गरे ।
‘एमाले र कांग्रेसबाट विकास र समृद्धि सम्भव छैन’ नवप्रवेशीहरुलाई स्वागत गर्दै पूर्वमन्त्री दोङले भने, ‘एमाले र कांग्रेस मुक्त गाउँ बनाएर मात्रै यो गाउँको विकास सम्भव छ, यो गाउँ र ठाउँ समृद्ध बन्न सम्भव छ ।’
बुद्ध लोप्चन
उज्यालो प्रतिनिधि