उज्यालो प्रतिनिधि
काठमाडौँ । मिस माल्टा चेरिस स्पीटेरी नेपाल आइपुगेकी छिन् । उनीसहितको टोली सोमबार बिहान नेपाल आइपुगेका हुन् । उनीसहितको टोलीलाई त्रिभुवन अन्तर्राष्ट्रिय विमानस्थल काठमाडौंमा गैरआवासीय नेपाली संघ (एनआरएनए) माल्टाका अध्यक्ष रेम्स खनालसहितको टोलीले भव्य स्वागत गरे ।
टोलीमा मिस माल्टाका अन्य अन्य सदस्यहरु केर्स्टन बोर्ग, डेनियल जम्मिट, एलेक्सिया कटजर र क्यारोलिना सिउबोटारु पनि छन् । उनीहरुको साथमा माल्टाका लागि पर्यटन दूत प्रकाश भण्डारी र सुजित बस्याल पनि टोलीमा सामेल छन् ।
नेपालमा रहँदा मिस माल्टाको टोलीले विभिन्न गैरसरकारी संस्थाहरुसँग मिलेर सामाजिक कार्य गर्ने पर्यटन दूत भण्डारीले जानकारी दिए । यस्तै उनीहरु मिस नेपालको ग्राण्ड फिनालेमा पनि सहभागी हुने जनाइएको छ । यस्तै चितवनसहितका विभिन्न पर्यटकीय क्षेत्रको भ्रमण गर्नुका साथै नेपाल चिनाउने डकुमेन्ट्री पनि निर्माण गर्ने टोलीको योजना छ ।
उज्यालो प्रतिनिधि