देउखुरी । चट्याङ लागेर देउखुरीमा एक जना महिलाको मृत्यु भएको छ । मृत्यु हुनेमा राजपुर गाउँपालिका वडा नम्बर २ मटेरिया निवासी ४० वर्षिया भुमिसरा बुढा मगर रहेको इलाका प्रहरी कार्यालय गढवाले जानकारी दिएको छ ।

बुढा मगरलाई शुक्रबार साँझ खेतमा पानी लगाउन गएका बेला चट्याङ लागेको थियो ।

चट्याङ लागेर गम्भीर घाइते भएकी बुढा मगरलाई उपचारका लागि लमही अस्पताल ल्याइएको थियो, उनको उपचारका क्रममा मृत्यु भएको प्रहरीले बताएको छ ।