एमसीसी पारित नगराउँदा गठबन्धन टुट्छ भने टुट्न दिनुपर्छ : पुर्बमन्त्री दुलाल

उज्यालो प्रतिनिधि १५ माघ २०७८, शनिबार समाचार

काठमाडौ।बागमती प्रदेशका प्रदेशसभा सदस्य युवराज दुलालले अमेरिकी सहयोग परियोजना एमसीसी संसदमा टेबल नगर्दा गठबन्धन टुट्छ वा सरकार ढल्छ भने ढल्न दिनुपर्ने बताएका छन् ।

पूर्वमन्त्रीसमेत रहेका सिन्धुपाल्चोक क्षेत्र नम्बर २ (क) का प्रदेशसभा सदस्य दुलालले सामाजिक सञ्जालमार्फत सो कुरा बताएका हुन् । उनले यसअघि पनि एमसीसी परियोजना जनताको घरदैलोमा बहस भइसकेको विषय भएकाले संशोधन बिना पारित हुन नहुने तर्क अघि सार्दै आएका थिए ।

आजपनि उनले भनेका छन्, ‘फेरि भनौं, नो एमसीसी’ । माओवादी केन्द्रका अध्यक्ष पुष्पकमल दाहाल प्रचण्ड निकट मानिने नेता दुलालले यदी अमेरिकाको इच्छा अनुसार पारित नगर्दा गठबन्धन टुट्छ भने टुट्न दिनुपर्ने तर्क गरेका हुन् ।

उनले भनेका छन्, ‘यदी एमसीसी संसदमा टेबल नगर्दा या अमेरिकाको इच्छा अनुसार पारित नगर्दा गठबन्धन टुट्छ या सरकार ढल्छ भने ढल्न दिनुपर्छ ।’ एमसीसी परियोजना विदेशी उपनिवेशमा भएको उनको दाबी छ । दुलालले अघि भनेका छन्,‘र, बुझ्नपर्छ देश विदेशी उपनिवेशमा नै छ । त्यसबाट मुक्त हुन नयाँ पुस्ताले राष्ट्रिय स्वतन्त्रताको लडाईं लड्नुपर्छ ।’

एमसीसी परियोजना संसदबाट पारित गर्ने वा नगर्ने भन्नेमा लामो समयदेखि बहस हुँदै आएको छ ।

Facebook Comments Box

सम्पादकीय

सबै

सम्पादकीय : संविधान संशोधनको बाटोमा अगाडि बढौँ

आज संविधान दिवसको सातौँ संस्करण । आजभन्दा ६ वर्षअगाडि वि.स. २०७२ साल असोज ३ गते मुलुकमा संविधान जारी भएको थियो

उज्यालो प्रतिनिधि ३ आश्विन २०७८, आईतवार

विशेष सम्पादकीय : राष्ट्रपतिलाई महाअभियोग लगाउन बिलम्ब नगरौँ

बुद्ध लोप्चन २८ असार २०७८, सोमबार

ख्यालख्याल होइन, कोरोना

उज्यालो प्रतिनिधि २५ बैशाख २०७८, शनिबार

विशेष सम्पादकीय : खड्गप्रसाद तुरुन्त बोल, उज्यालो नेटवर्ककर्मीलाई बिना शर्त रिहाई

उज्यालो प्रतिनिधि १२ बैशाख २०७८, आईतवार