दाङ । दाङको देउखुरी उद्योग वाणिज्य संघ लमहीले व्यापारीहरुलाई कोरोना विरुद्ध भेरोसेल खोप उपलब्ध गराईदिनका लागि दाङका प्रमुख जिल्ला अधिकारीलाई आग्रह गरेको छ । संघका अध्यक्ष खगेश्वर खनाल र उपाध्यक्ष केशबराज पोख्रेलले पहिलो पटक उपलब्ध गराएको भेरोसेल खोप अपुग भएपछि अपुग भएको थप खोप उपलब्ध गराइदिनका लागी प्रमुख जिल्ला अधिकारी कुरुम्वाङ्लाई आग्रह गरिएको हो ।

शुक्रवार लमहीका सम्पूर्ण व्यापारीलाई पुग्ने गरि खोप उपलब्ध गराई दिन भन्दै प्रजिअ राम बहादुर कुरुम्बाङलाई आग्रह गरेको अध्यक्ष खनालले बताउनुभयो । अघिल्लो पटक संघलाई ५० वटामात्र भाइल उपलब्ध भएको थियो, तर सबै ब्यापारीलाई नपुगेका कारण फेरि हामीले ब्यापारीलाई खोप उपलब्ध गराई दिन प¥यो भनेर अनुरोध गरेका छौं, सिडियो सापले सकारात्मक जवाफ दिनु भयो, अध्यक्ष खनालले भन्नुभयो । संस्थाले सबै उद्योगी ब्यापारीहरुलाई सहजै खोप उपलब्ध गराउने बताउदै केही समय धैर्य गर्नुपर्ने देउखुरी उद्योग बाणिज्य संघ लमहीका उपाध्यक्ष केशवराज पोख्रेलले बताउनुभयो ।

हामीले कसैलाई छुटाउदैनाँै प्रशासनले उपलब्ध गराएसम्म सबैलाई खोप सहजै दिने वातावरण गराउन हामी पनि लागि परेका छौं, उपाध्यक्ष पोख्रेलले भन्नुभयो । दाङका प्रमुख जिल्ला अधिकारी रामबहादुर कुरुम्बाङले सकेजति पहल गरेर खोप उपलब्ध गराउने बताएको उपाध्यक्ष पोख्रेलले जानकारी दिनुभयो ।।