११ फाल्गुन २०७७, मंगलवार

मुख्यमन्त्री कार्यालय अगाडि वादी धर्नामा

उज्यालो प्रतिनिधि उज्यालो प्रतिनिधि ११ फाल्गुन २०७७, मंगलवार कर्णाली प्रदेश

काठमाडौँ । जमीन माग्दै कर्णालीका वादी समुदाय मुख्यमन्त्री कार्यालय मूलद्वार अगाडि धर्नामा बसेका छन् । सोमबार बेलुकादेखि उनीहरु जमीन र घर माग्दै मुख्यमन्त्री कार्यालय नजिकै धर्नामा बसेका हुन् ।

वादी समुदायले खेतीपाती गर्नका लागि स्थायी लालपुर्जासहितको जमीन, बस्नका लागि घर र रोजगारीको माग पूरा नहुँदासम्म मुख्यमन्त्री कार्यालयको द्वार नछाड्ने बताएको छ । आज दिउँसो पत्रकारसँग कुरा गर्दै उनीहरुले आफ्ना माग पूरा नभएसम्म धर्नामा बस्ने बताएका छन् । माछा मार्ने, बालुवा चाल्ने र मादल बनाएर गुजारा चलाउँदै आएका यी समुदाय परम्परागत पेशा लोप भएपछि सङ्कटमा रहेका छन् ।

परम्परागत पेशा लोप भएपछि साँझ बिहानको गुजारा चलाउन पनि समस्या भएको वादी समुदायका अगुवा हिक्मत वादीले बताए । “हामीलाई माछा मार्न स्थानीय सरकारको अनुमति चाहिन्छ । मादल र सुल्पा बिक्री हुँदैनन्”, उनी भन्छन, “हाम्रो अरु केही विकल्प नभएपछि जमीन र घर माग्दै सरकार गुहार्न आएका हौँ ।”

स्थानीय सरकारलाई आफ्ना गुनासा सुनाउँदा उनीहरुबाट सुनुवाइ नभएपछि प्रदेश सरकारसँग जमीन माग्न सुर्खेत आएको धर्ना बसेका प्रेम वादीले बताए । उनले भने, “हाम्रो समुदायलाई स्थायी पूर्जासहितको जमीन, बास र रोजगारीको ग्यारेन्टी नहुँदासम्म घर फर्किदैनौँ ।”

जमीन र घर माग्दै आएका वादी समुदायसँग अहिले छाना, नाना र खाना छैन । चिसो मौसममा खुला आकाशमुनि धर्नामा बसिरहेका छन् । परम्परागत पेशाले जीवन धान्न नसकिने भएकाले जमीन माग्न आएको हरि वादीले बताए । कालीकोट र दैलेखका करीब ४०० को सङ्ख्यामा वादी समुदाय सुर्खेतमा आएका छन् ।

Facebook Comments

सम्पादकीय

सबै

प्रधानमन्त्रीबाट तत्काल राजीनामा देऊ

प्रधानमन्त्री खड्ग प्रसाद ओलीले ५ पुस ०७७ मा संविधानमा नभएको अधिकार प्रयोग गर्दै गरेको संघीय संसदको प्रतिनिधिसभा विघटनलाई सर्वोच्च अदालतले

उज्यालो प्रतिनिधि उज्यालो प्रतिनिधि ११ फाल्गुन २०७७, मंगलवार

संवैधानिक ‘कू’ को सर्वत्र विरोध गरौँ

उज्यालो प्रतिनिधि उज्यालो प्रतिनिधि ५ पुष २०७७, आईतवार

गैरजिम्मेवार सरकार

उज्यालो प्रतिनिधि उज्यालो प्रतिनिधि १७ कार्तिक २०७७, सोमबार

प्रहरी आदेशपालक होइनन्

उज्यालो प्रतिनिधि उज्यालो प्रतिनिधि १४ कार्तिक २०७७, शुक्रबार