प्युटार आश्राङमा फौजी किराको प्रकोप, कृषकको खेतबारी मै गएर नियन्त्रण गर्दै गाउँपालिका

१२ जेष्ठ २०७७, सोमबार १७:११ मा प्रकाशित

प्रकाश थिङ,ललितपुर । जिल्लाको वागमती गाँउपालिका वडा नं ४ प्युटार र वडा नं ६ आश्राङमा अमेरीकन फौजी कीराको प्रकोप देखिन थालेको छ । गाँउपालिकाले कृषककै खेत बारीमा गएर यो किराको व्यवस्थापन गर्न तयारी भइरहेको बागमती कृषि विकास शाखा अधिकृत सुवास खनालले बताएका छन।

यो किरा बालीका लागि निकै हानिकारक हुने गरेको छ । बालीमा क्षति पुर्‍याउने कीराको लार्भाले हो । फौजी कीराको लार्भा धेरै खन्चुवा हुन्छ । मकैको पात, गुभो, जुँगा र घोगा समेत खाइदिन्छ ।

 

खेतवारीको नियमित अवलोकन गर्दै सामुहिक रुपमा लाग्नुपर्ने देखिन्छ व्यवस्थापनको लागि रातको समयमा मकै बारीमा पात पतिङ्गर जम्मा गरेर आगो वाल्नाले त्यसका पुतली आगोमा आकर्षित भएर मर्छन् । विषादी प्रयोग गर्दा सुरक्षित मानिएका स्पाइनोस्याड ०.३ एम एल प्रति लिटर पानीमा मिसाइ छर्ने वा स्पाइनेटोराम/ डेलिगेड ०.४ एम एल प्रति लिटर पानीमा मिसाइ छर्ने वा क्लोरएन्ट्रानिलीप्रोल वा अल्कोरा / कोराजीन ०.४ एम एल प्रति लिटर पानीमा मिसाइ छर्ने वा इमामेक्टिन बेन्जोइड ०.४ ग्राम प्रति लिटर पानीमा मिसाइ छर्दा प्रभावकारी रुपमा नियन्त्रण भइको छ ।

 

अल न्युज नेट्वर्कद्वारा सञ्चालित उज्यालो नेट्वर्क डटकम नेपाली, अंग्रेजी संस्करणका साथै अनलाइन टिभी पनि सञ्चालित छ । हामीसँग फेसबुकट्वीटर मार्फत पनि जोडिन सक्नुहुनेछ ।

सामाजिक संजालवाट साभार