उज्यालो प्रतिनिधि
एजेन्सी । जापानको सरकारले देशमा लगाइएको आपतकाललाई मे महिनाको अन्त्यसम्म बढाउने सक्ने सम्भावना छ ।
जापानको सार्वजनिक प्रसारणकर्ता एनएचकेका अनुसार प्रधानमन्त्री शिन्जो आबेले यसबारे सोमबार घोषणा गर्दैछन् ।
समाचार एजेन्सी रोयटर्सको रिपोर्ट अनुसार जापान सरकारले कोरोना भाइरसको रोकथामका लागि नयाँ प्रकारको प्रतिबन्ध र उपायबारे घोषणा गर्दैछन् ।
जापानमा हालसम्म कोभिड–१९ का कारण ५ सय बढीको मृत्यु भइसकेको छ भने करिब १५ हजार यो भाइरसद्वारा संक्रमित छन् ।
एनएचकेका अनुसार प्रधानमन्त्री आबे सोमबार आपतकाल बढाउनुको कारणबारे पनि चर्चा गर्नेछन् ।
जापान सरकारले अप्रिल ७ मा टोकियो र अन्य विभिन्न प्रान्तमा ६ मे सम्म आपतकालको घोषणा गरेको थियो जसलाई संक्रमण फैलिएपछि देशव्यापी बनाइएको थियो ।
यद्यपि, सरकारले अपेक्षाकृत कम जोखिमयुक्त स्थान पुनः खोल्नेबारे पनि घोषणा गर्नसक्ने अनुमान गरिएको छ ।
कोरोना महामारीका कारण ठप्प भएको व्यावसायिक गतिविधिका कारण संसारको सबैभन्दा तेस्रो ठूलो अर्थव्यवस्था जापानमा आर्थिक मन्दीको खतरा देखिन थालेको छ ।
गत हप्ता जापानका संसदले १.१ ट्रिलियन डलरको एक रेकर्ड प्रोत्साहन प्याकेजलाई अनुमती दिएको थियो ।
स्रोतः बीबीसी
उज्यालो प्रतिनिधि
बुद्ध लोप्चन