पोखरा । केहि घण्टा सम्पर्कविहिन अर्थात् गायब भएर फेला परेका जनमोर्चा सांसद खिमविक्रम शाहीलाई भेट्न मुख्यमन्त्री पृथ्वीसुब्बा गुरुङ अस्पताल पुगेका छन् । अस्पतालले स्वास्थ्य मापदण्डको कारण देखाउँदै उनलाई शाहीसँग भेट्न भने दिइएको छैन ।

मुख्यमन्त्री गुरुङले अस्पताल पुगेर शाहीलाई नभेटी स्वास्थ्यलाभको कामना गरेका बताइएको छ । मुख्यमन्त्री गुरुङ विरुद्ध अविश्वासको प्रस्तावका प्रक्रिया शुरु गर्ने बेलामा सांसद शाही हराएका थिए ।

उनको अनुपस्थितीका कारण गण्डकी प्रदेश सभा बैठक अनिश्चितकालका लागि स्थगित भएको हो । उनी हराएको भन्दै जनमोर्चाका सांसद पियारी थापाले प्रदेश सभा सचिवालयमा खोजी दिन आग्रह गर्दै निवेदन दिएकी थिइन् ।