नवलपरासी पश्चिम । नवलपरासी पश्चिमको सशस्त्र प्रहरीले ठुलो सफलता हासिल गर्न सफल भएको छ । सशस्त्र प्रहरी बल बिओपी भुजहवाले बिशेष सुराकीको अधारमा एक भारतीय नागरिकलाई ठुलो मात्रामा लागू औषधसहित पक्राउ गरेको हो ।

सरावल गाउँपालिका वडा नं ७ भन्सार टोलको पश्चिम दिशाको खेत हुँदै युपी ५६ एडी ३८६० नम्बरको भारतीय मोटरसाइकल सवार व्यक्ति लागू अौषध सहित जाँदै गरेको अवस्थामा पिकेट गस्ती टोलीले चेकजाँचको क्रममा पक्राउ गरेको हो । पक्राउ पर्नेमा जिल्ला महाराजगंज गडौर बजारको बर्ष २७ का राजकुमार गुप्ता रहेका हुन । बि.ओ.पि.भुजहवाबाट खटिएको सीमा पिकेट ड्युटी टोलिले चेकजाच गर्दा निजको साथबाट डाईजापाम 2ml को -५४५ पिस, नुफिन 2ml को -५४० पिस, फेनरागन 2ml को -५४५ र ओनरेक्स सिरफ 100 ml को -२० पिस लागु औषध बरामद गरेको हो ।

हाल निज व्यक्तिलाई नियन्त्रणमा लिई लागुऔषध र मोटरसाईकल सहित आवश्यक कार्यवाहीको लागि जिल्ला प्रहरी कार्यालय परासी बुझाएको सशस्त्र प्रहरी नेपाल गण नं २६ बेलासपुरका सुचना अधिकारी रोशन घिमिरेले जानकारी दिए । जिल्लाको भुजहवा नाका लागू अौषध अोसारपसारको मुख्य नाकाको रुपमा लिइने गरिन्छ ।