विराटनगर । प्रदेश १ को राजधानी विराटनगरमा प्रमुख प्रतिपक्षी दल नेपाली कांग्रेसले शक्ति प्रदर्शन गरेको छ । सोमबार (आज) बाट सुरु भएको देशव्यापी प्रदर्शनमा महामन्त्री समेत रहेका डा. शंशाक कोइरालाको नेतृत्वमा विराटनगरमा सरकार विरुद्ध प्रदर्शन भएको हो ।

विराटनगरस्थित तीनपैनि चोकबाट निस्किएको मोटरसाइकल र्‍यालीसहितको प्रदर्शनले विराटनगर बजार परिक्रमा गरेको छ ।

भ्रष्टाचार बढ्दा पनि प्रधानमन्त्री नै भ्रष्टाचारीको संरक्षक बनेको, कोरोना नियन्त्रण र न्यूनीकरणमा बेवास्ता गरिएका कारण कांग्रेस सडकमा ओर्लनु परेको महामन्त्री कोइरालाले विरोधसभामा बताए ।

पार्टीका वरिष्ठ नेता रामचन्द्र पौडेलमाथि दुव्र्यवहार, भ्रष्टाचार र कोरोना नियन्त्रणमा सरकारको लापरवाहीको विरोधमा कांग्रेसले ७७ वटै जिल्लामा प्रदर्शन सुरु गरेको छ ।