एम्बाप्पेको दायाँ खुट्टामा गम्भीर चोट

११ श्रावण २०७७, आईतवार ०७:१३ मा प्रकाशित

काठमाडौँ । पेरिस सेन्ट जर्मेन (पीएसजी) बाट खेल्दै आएका फ्रान्सका स्टार केलियन एम्बाप्पेको दायाँ खुट्टामा गम्भीर चोट लागेको छ ।

फ्रेन्च कपको फाईनलमा सेन्ट एटिनेबिरुद्ध जीत निकाल्ने क्रममा शुक्रबार उनले खुट्टामा गम्भीर चोट लागेको हो ।

२१ वर्षीय एम्बाप्पेलाई पहिलो हाफमा सेन्ट एटिनेका डिफेन्डर लोईक पेरिनले खराब ट्याकल गरेका थिए । घाईते बनेका एम्बाप्पे रुदै मैदान छाडेका थिए ।

पीएसजीले एम्बाप्पेको चोटलाई ७२ घण्टा निगरानीमा राख्ने बताएको छ । क्लबले बिज्ञप्ती निकाल्दै एम्बाप्पेको चोट गम्भीर रहेको भन्दै उनलाई चिकित्सकको निगरानीमा केही घण्टा राखिने बताएको हो ।

पीएसजीले जुलाई ३१ म फ्रेन्च लिग कपको फाइनल र सिरि ए क्लब एटलान्टासंग अगष्ट १२ मा च्याम्पियन्स लिगको क्वार्टरफाईनल खेल्नेछ ।

च्याम्पियन्स लिगको सेमिफाईनल अगष्ट १८ देखि १९ र फाईनल खेल अगष्ट २३ मा हुने तय छ । एम्बाप्पेले यस सिजन ३३ खेलमा २९ गोल गरेका छन् ।

अल न्युज नेट्वर्कद्वारा सञ्चालित उज्यालो नेट्वर्क डटकम नेपाली, अंग्रेजी संस्करणका साथै अनलाइन टिभी पनि सञ्चालित छ । हामीसँग फेसबुकट्वीटर मार्फत पनि जोडिन सक्नुहुनेछ ।

सामाजिक संजालवाट साभार