नवलपरासी पश्चिम । जिल्लाको प्रतापुर गाउँपालिकालाई युनाेप्सद्धारा स्वास्थ्य र सरसफाई सामग्री हस्तान्तरण गरिएको छ । गाँउपालिकाले त्रिभुवन बेलाटारी क्यम्पसमा सञ्चालन गरेको क्वारेन्टाईन व्यवस्थापनको लागि स्वास्थ्य र सरसफाई सामग्री हस्तान्तरण गरिएको हो ।

गाँउपालिकामा मधेश मानव अधिकार गृह (माहुरी होम) द्धारा सहज परीयोजना सञ्चालनमा रहेको छ । उक्त परियोजना गाँउपालिकाको वडा नं. ५ र ७ मा काम गर्दै आएको छ भने डिएफआईडिले आर्थिक सहयोग गरेको छ । यसै सहज परीयोजना अन्तर्गत डिएफआईडिले युनाेप्स मार्फत गाँउपालिकालाई पानी फिल्टर एक्वा १ वटा, डस्टविन १० वटा, खेल समाग्री बच्चाहरुको लागि ११ थान, सर्जिकल मास्क २० बट्टा, डिस्ईन्फेक्टेड स्प्रे मेसनि २ वटा र ५ लि को झोल औषधी २ वटा, हरलिक्स १३ वटा, लाईजोल ५ र फिनायल १० वटा, पानी टयांकी एक हजार लि. २ वटा प्याडल पावर हाथ धुने टंकी १ वटा, मर्यादा किट(महिलालाई आवश्यक कपडाहरु), पानी मोटर १ वटा, ओखती साबुन १२० वटा र सर्वोत्तम लिटो ४ वटा युनोप्सका गजेन्द्र यखाराईले गाँउपालिका कार्यवाहक अध्यक्ष अन्जु कुमारी चौधरीलाई हस्तान्तरण गर्नु भएको छ ।

गाँउपालिकाले बनाएको क्वारेन्टीन अझै व्यवस्थित गर्नको लागि सरसफाई समाग्रीहरु वितरण गरीएको छ भने स्वास्थ्य सामग्री क्वारेन्टीनमा बसेका बच्चा आमा सहितको परीवार र अन्य महिलाहरुलाई प्रदान गरिएको छ ।

केही दिन अगाडि माहुरी होमको सहकार्यमा र युनोप्सको सहयोगमा गाँउपालिकासँग छलफल गरी केही तथ्यांकहरु लिएको थियो । त्यसै अनुसार गाँउपालिकाले आवश्यक समाग्रीहरु बारे युनोप्सका गजेन्द्र यखाराईलाई जानकारी गराएको थियो । यसै अन्तर्गत बिहीवार माहुरी होमको सहकार्य र युनोप्स मार्फत डिएफआईडिकाे आर्थिक सहयोगमा गाँउपालिकालाई सहयोग गरेको गजेन्द्र यखाराईले बताए
।

त्यस्तै गाँउपालिका कार्यवाहक उपाध्यक्ष अन्जु कुमारी चौधरीले यस्तो विपदको समयमा गाँउपालिकाले मात्रै गर्न सम्भव नभएकोले यस्तै संघ संस्थाहरुको सहयोग आवश्यक रहेको बताउनु भयो । माहुरी होमद्धारा सञ्चालित सहज परियोजनाले पहिला पनि गाँउपालिकाको न्यायीक समितिलाई व्यवस्थित बनाउन सहयोग गरेको र अहिले पनि गर्दै आएकोले विशेष धन्यवाद ज्ञापन गरेको चौधरीले बताईन् ।

यसै विच गाँउापालिका प्रशासकिय प्रमुख घनश्याम गाँहा मगरले संस्थाले गरेको सहयोग सरहानिय भएको बताउनु भयो । क्वारेन्टीन व्यवस्थापन संयोजक हेमेन्द्र पंजियारले यस परियोजना मार्फत भएको सहयोग दिर्घाकालिन काम लाग्ने सामग्रीहरु रहेकोले गाँउपालिकाको केही आर्थिक क्षेत्रमा सहयोग पुगेको बताउनु भएको छ ।