नवलपरासी पश्चिमको सीमामा सशस्त्र प्रहरी र स्थानीय बिच झडप, चार राउन्ड हवाई फायर

२६ जेष्ठ २०७७, सोमबार ०८:११ मा प्रकाशित

रबिन्द्र यादव । नलपरासी (बर्दघाट सुस्ता पश्चिम)को प्रतापपुर गाउँपालिका वडा नं ५ सँग जोडिएको बसहिया भारत र नेपालको सीमामा स्थानिय र सशस्त्र प्रहरी बिच झडप हुँदा सशस्त्र प्रहरीले चार राउण्ड हवाई फायर गरेको छ । झडपमा ६ सशस्त्र प्रहरी र चार स्थानिय घाइते भएका छन् ।

 

स्थानिय एक महिलाले भारततर्फबाट खेतलाई हाल्ने मल लिएर आउँदै गर्दा प्रहरीसँग भनाभन गरेपछि अन्य सयबढी स्थानियहरु भेला भएर अस्थायी प्रहरी पोष्ट नै भत्काएका थिए । प्रतिरक्षाका लागी प्रहरीले चार राउण्ड हवाई फायर गरेको शसस्त्र प्रहरीका एसपी भरत खनियाले जानकारी दिए । घाइते शसस्त्र मध्ये तीनजनाको आँखामा गम्भिर चोट लागेको बताइएको छ । अन्यको निधारमा चोट लागेको छ ।

स्थानियले गुलेलीमा सिसा राखेर हानेकाले सशस्त्र प्रहरीको टाउको र आँखामा गम्भिर चोट लागेको हो । अहिले घाइतेहरुको पृथ्वी चन्द्र अस्पताल परासीमा उपचार भइरहेको छ ।

 

अल न्युज नेट्वर्कद्वारा सञ्चालित उज्यालो नेट्वर्क डटकम नेपाली, अंग्रेजी संस्करणका साथै अनलाइन टिभी पनि सञ्चालित छ । हामीसँग फेसबुकट्वीटर मार्फत पनि जोडिन सक्नुहुनेछ ।

सामाजिक संजालवाट साभार