कानुनद्वारा १५० परिवारलाई राहत वितरण

२९ बैशाख २०७७, सोमबार १८:१९ मा प्रकाशित

सुनसरी । स्थानीय सरकारले दिएको राहत सकिएकाले केही दिनदेखी भोकै रहेका सुनसरीको इनरुवा ९ बबियाका मुसहर तथा विपन्न परिवारलाई यूएसमा बस्दै आउनुभएका दानबीर कानुन चौधरीले राहत वितरण गर्नुभएको छ ।

लामो लकडाउनको बेला दैनिक मजदुरी गरी खानेहरुलाई हातमुख जोड्न समस्या भएको वडाले दिएको १० केजी राहत सकेर हप्तादेखी भोकै बसिरहेकाहरुलाई राहत वितरण गर्नुभएको हो । चौधरीले युएसबाट पठाउनुभएको करिव दुई लाख ५० हजार रुपियाँ बजारको राहत आफ्नो जन्मथलो सुनसरीको इनरुवा ९ बबियाका स्थानीयहरुलाई वितरण गर्नुभएको हो । चौधरीले बुवा स्व.बुद्धिलाल चौधरी, आमा स्व.रोजनी थरुनीको नामबाट राहत वितरण गर्नुभएको हो । इनरुवा नगरपालिकामा उदाहरणी रुपमा भोको पेटका लागि बास्तवीक पिडितहरुलाई खोजेर राहत वितरण गरेको छ ।

सुकुम्बासी, जनमजदुरी गर्ने र विपन्न घरपरिवारलाई चौधरीले पठाएको रकमबाट दाजुभाई भुनेश्र चौधरी, किसोर चौधरी, बैहीनी सिता र गिता चौधरीले आफ्नै घरबाट राहत वितरण गरिएको हो । नगरपालिकालाई राहत हस्तान्तरण गर्दा राहत वितरण ढिलो हुने भएकाले व्यक्तिगत रुपमै घरबाटै राहत वितरण गरेको कानुन चौधरीकी बैहीनी सिता चौधरीेले जानकारी दिनुभयो । इनरुवा ९ का एक सय ५० परिबारलाई २५ किलो चामल, १ प्याकेट नुन र १ लिटर खाने तेल सहितका राहत वितरण गरिएको चौधरीले जानकारी दिनुभयो ।

राहत लिन आएका स्थानीयहरु भोकै बसेको बेला राहत पाएपछि खुशी ब्यक्त गर्दै दातालाई धन्यवाद ज्ञापन गरेको स्थानीय विनोद चौधरीले जनकारी दिनुभयो ।

अल न्युज नेट्वर्कद्वारा सञ्चालित उज्यालो नेट्वर्क डटकम नेपाली, अंग्रेजी संस्करणका साथै अनलाइन टिभी पनि सञ्चालित छ । हामीसँग फेसबुकट्वीटर मार्फत पनि जोडिन सक्नुहुनेछ ।

सामाजिक संजालवाट साभार