उज्यालो प्रतिनिधि
धादिङ । धादिङको गजुरी गाउँपालिकाले सूचना जारी गर्दै मकैबालीमा लाग्ने अमेरिकन फौजी किराबाट जोगिने उपायहरु आज सार्वजनिक गरेको छ ।
गाउँपालिकाले किसानका हितका लागि मकैबालीमा लाग्ने अमेरिकन फौजी किराबाट जोगिने उपाहरु सार्वजनिक गरेको हो ।गाउँपालिका प्रशासकीय अधिकृत युवराज अर्यालले एक सूचना जारी गर्दै मार्फत ८ वटा बुँदाहरुमा मकैबालीमा लाग्ने अमेरिकन फौजी किराबाट जोगिने उपाहरु समावेश गरिएको छ ।
घोगा राम्रो सँग खोष्ठाले छोपिने (रामपुर कम्पोजित, अरुण-२) जातको मकै लगाउने, वर्षे मकै ढिला नगरी समयमै लगाउने मकै रोप्दा अन्य मिश्रित बालीसमेत सँगै लगाउन सूचना मार्फत प्रशासकिय अधिकृत अर्यालले आग्रह गरेका छन् ।
मकैबालीको छेउछाउ कीरालाई मन पर्ने नेपिएर जातको घाँस पासोको रुपमा लगाउन सकिने, काठमो धुलो वा खरानी मकैको गुवोमा राद्यन सकिने समेत सूचनामा उल्लेख गरिएको छ ।
यस्तै गाई भैसीको मुत्रमा तितेपाती, नीम १ देखि २ हप्ता पकाई एक भाग जोलमा १० भाग पानी मिसाई छर्ने, मकैको पातमा सेता लाम्चा झिल्ली सहितका प्वाल अवस्थाको क्षेतिको लक्षण देखा परेमा नीम जन्य विषादी एजाडिराक्टिन १५०० पीपीएम् ५ मिलिलिटर पानीमा मिसाएर छर्नु पर्ने समेत सूचनामा भनिएको छ ।
बुद्ध लोप्चन