उज्यालो प्रतिनिधि
धादिङ । जिल्लाको गजुरीमा ढुंगा लागेर एक बालिकाको बुधबार दिउँसो घटनास्थलमै मृत्यु भएको छ।
मृत्यु हुनेमा गजुरी गाउँपालिका वडा नम्बर – ३ सानो भन्ज्याङ (काउसे) बस्ने मधु प्रजाकी ७ वर्षीया छोरी निशा प्रजा रहेको ईलाका प्रहरी कार्यालय गजुरीका प्रहरी निरीक्षक एवं सूचना अधिकारी भोजराज पाण्डेले जानकारी दिए
।
उनका अनुसार काउसेमा सिँचाई कुलो मर्मत गरेको स्थानभन्दा केहि तल खोला नजिकै मृतक निशा प्रजा सहित ४ जना बालबालिका खेलिरहेका थिए । सोहि क्रममा त्यहाँका स्थानिय गुमानध्वज बरुवालले कुलो सफा गर्ने क्रममा कुलोमा राखेको ढुंगा फाल्दा, ढुंगाले टाउकोमा लागेर ७ बर्षिय बालिका निशा प्रजा गम्भिर घाईते भएकी थिईन् । गम्भिर घाईते निशाको केहि समयमै मृत्यु भएको थियो । अन्य ३ बालबालिका भने सकुसल रहेका छन् ।
घटनालगत्तै ५९ बर्षिय गुमानध्वज बरुवाललाई ईलाका प्रहरी कार्यालय गजुरीले नियन्त्रणमा लिएको छ ।
बुद्ध लोप्चन