आमाको आशुले परेली भिजे पछि हो
बाबा को थरथर काप्दै गरेका हातले टिका
लगाएर निधार भरे पछि हो
सादा आँखामा रंगिन सपना देख्दै अनि उ
परदेशिए को हो ।

बर्षेै देखि आमा को नाक खाली भएपछि
थेगी नसक्नु गरीबिले पेलिएपछि
दाइजो नपुगेर बैनीको हुदै गरेको बिहे टुटेपछि
अनि पो उ परदेशिएको हो ।

पावर र पैसाको अगाडी मेहनतले
आर्जेका केही थान प्रमाणपत्र हरु नबिकेपछि
जिन्दगीभरी खालि खुट्टा गुजारेका बाबाको लागि
एक जोर नयाँ जुत्ता दिन नसकेपछि
बर्षा याम मा चुहिदै गरेको घरको त्यो घरको छाना
टाल्न नसकेपछि अनिपो उ परदेशिएको हो ।

हरेक बर्ष आउँने त्यो दशैमा भाइ को लागि
नयाँ घडी किन्न नसकेपछि हो
खालि रहेको आफ्नो प्रेमिकाको सिउँदो
भर्न सिन्दुर किन्न परेपछि हो
छिमेकी आमा हरुले नयाँ नयाँ चोली लाएर
आमालाइ हेप्न थालेपछि हो
अनि उ परदेशिएको ।