शिवु खनाल, देउखुरी । नेपाली सांगीतिक क्षेत्रकी चर्चित लोकगायिका ज्योति मगरले ‘जवानीको उद्घाटन’ बोलको नयाँ गीत बजारमा ल्याएकी छन् ।ज्योति मगरकै युट्युव च्यानलबाट सार्वजनिक भएको उक्त गीतको भिडियोले छोटोसमयमै धेरै दर्शकको मन जित्न सफल भएको छ । गीत बजारमा नआउँदै ज्योति मगरको जवानीको उद्घाटन हुँदै भनी सामाजिक सञ्जालमा उनैले गरेको पोष्टले दर्शकश्रोता त्यसैको प्रतिक्षामा थिए र अहिले त्यो प्रतिक्षाको घडी सकिएको छ ।

प्रयास मगरको शब्द रचना रहेको यस गीतको स्वरमा ज्योतिलाई गायक कृष्ण केसीले साथ दिएका छन् । संगीत पनि केसी स्वयंले भरेका छन् । सुनिल क्षेत्रीको निर्देशनमा तयार भएको म्युजिक भिडियोमा लोशिना लामिछानेको साथमा निर्देशक क्षेत्री स्वयं फिचर्ड छन् ।

उमेर पुगेका प्रेमील जोडीलाई लक्षित गरिएको यो गीतमा सुनिल र लोशिनाको नृत्यसँगै जोडी जमेको देखिन्छ । रमणीय वातावरणमा जय रेग्मीले खिचेको उक्त भिडियोलाई अमृत चापागाईंले सम्पादन गरेका हुन् ।ज्योति मगर नेपाली संगीत प्रेमीमाझ निकै चर्चित छन् । उनका जे गीत आउँछन्, चर्चा नकमाएको रेकर्ड छैन । यसपटक फेरि उनले दर्शकलाई गज्जबको कोशेली ल्याएर आएकी हुन् ।