काठमाडौं । गायक तथा संगीतकार विशाल काल्तनको ‘रोशी त खोलाको’ बोलको सेलो गीत बजारमा सार्वजनिक भएको छ । काल्तनको स्वरमा गायिका जितु लोप्चनले साथ दिएकी छिन् ।
गायक काल्तनकै शब्द संगीत रहेको उक्त गीतको भिडियोमा मोडल समीर तामाङ, सपना बम्झन लगायतका कलाकारको नृत्य रहेको छ । भिडियो निर्देशन प्रतीक ङ्यस्युरले गरेको छ ।
गीत एरेन्ज फइन्द्र राईले गरेका छन् भने मिक्सिङ दिपेश प्रधानको रहेको छ । पछिल्लो समय सेलो गीत संगीतलाई दर्शकस्रोतको तुलनात्मक हिसाबले धेरै माया गर्न थालेको गायक काल्तन बताउँछन् ।
उनले भने ‘ तामाङ सेलो संगीतलाई माया गर्ने दर्शकहरु धेरै छ, यसलाई कायम राख्न हामीले पनि सेलो संगीतमा मेहनत गरिरहेका छौँ । यस गीतमा पनि धेरै मेहनत छ, आसा छ दर्शकस्रोताले मन पराउने छन’
विभिन्न रमणीय स्थलहरुमा छायांकन गरेको यस गीतको भिडियो देखि गायन, शब्द संगीत सबै अब्बल रहेकोले गीत मन पराउनेमा भिडियो निर्माण टिम विश्वस्त रहेको छ ।
हेर्नुस् भिडियो …..