उज्यालो प्रतिनिधि
काभ्रे । काभ्रे जिल्लाको महाभारत गाउँपालिका वडा नं. १ निवासी रमित थिङको दुवै मृर्गौला फेल भएको पुष्टि भएको छ ।
निम्न आर्थिक अवस्था भएका उनको परिक्षणको क्रममा दुवै मृर्गौला फेल भएको पाइएको हो । महाभारत गाउँपालिका वडा नं. १ गोकुले, छोटेसहानका रमित अहिले २१ वर्षका भएका छन् ।
उच्च शिक्षा हासिल गरेका उनी घरको आर्थिक अवस्था उकास्नका लागि वैदेशिक रोजगारीका लागि विदेशिने तयारीमा िथए । रमितका बुवाको उनी गर्भमा हुँदै निधन भएको थियो । उनको दिदीको तत्कालीन नेकपा माओवादीले चलाएको जनयुद्धको क्रममा निधन भएको थियो ।
उनी अहिले दुवै मृर्गौला प्रत्यारोपणका लागि पैसा जोहो गर्न लागि परेका छन् । नयाँ जीवनका लागि उनले दुवै मृर्गौला प्रत्यारोपण गर्नुपर्ने चिकित्सकको सल्लाह छ ।
आर्थिक अवस्था कमजोर भएका उनले आफ्नो मृर्गौला प्रत्यारोपणका लागि आर्थिक सहयोगका लागि अपिल गरेका छन् । ‘म नयाँ जीवन जिउन चाहन्छु, घर परिवारका लागि म बाँच्नुपर्छ, मेरो आमाको मुहारमा खुसी ल्याउन बाँच्नुपर्छ, जति सकिन्छ सहयोग गरिदिनुस्’ उनले गहभरी आँशु पार्दै भने ।
दुबै मृगौला प्रत्यारोपण गर्न २० देखि २५ लाख लाग्ने डाक्टरले बताएका छन् । उनलाई बिरामीको दाइ भिम बहादुर थिङमार्फत ९७४०७११६७३ मा सम्पर्क गरेर सहयोग गर्न सक्नुहुनेछ ।
बुद्ध लोप्चन