उज्यालो प्रतिनिधि
सिन्धुपाल्चोक । सिन्धुपाल्चोकको जुगल गाउँपालिका-२, लिदीमा पहिरोबाट विस्थापितका लागि अस्थायी आवास निर्माण गरिएको छ ।
पालमा बसिरहेको २८ परिवार र विपद्को जोखिममा रहेका अन्य घरपरिवारका लागि नेपाली सेनाले १३ वटा अस्थायी वासस्थान निर्माण गरेको हो ।
२०७७ साउन ३० गते सिन्धुपाल्चोक जुगल गाउँपालिका–२, लिदीमा पहिरोले क्षति गरेको थियो ।
सेनाले जुगल गाउँपालिका, नेपाल पुनर्निर्माण प्राधिकरण जिल्ला कार्यान्वयन एकाइको सहयोगमा वासस्थान निर्माण गरिएको जनाएको छ ।
सेनाका अनुसार कुल ४५ वटा अस्थायी घर बनाउने योजना छ, त्यसका लागि सम्पूर्ण निर्माण सामग्री जुगल गाउँपालिकाले उपलब्ध गराएको छ । प्राविधिक सहयोग पुनर्निर्माण प्राधिकरणले गरेको र सेनाको दक्ष जनशक्तिसहितको ५१ जनाको टोली परिचालन गरिएको थियो ।
Facebook Comments Box
बुद्ध लोप्चन