उज्यालो प्रतिनिधि
काठमाडौं । नेकपा माओवादी केन्द्रका अध्यक्ष पुष्पकमल दाहाल प्रचण्डले संसद विघटनलाई बदर गर्ने सर्वोच्च अदालतको आदेशले नेपाली जनताको जित भएको प्रतिक्रिया दिएका छन् ।
संसद विघटन बदरको फैसलापछि प्रतिक्रिया दिँदै उनले संसद विघटनको असंवैधानिक निर्णय सच्याउने सर्वोच्चको फैसला ऐतिहासिक भएको बताए । ‘समग्रमा नेपाली जनताको जित भएको छ’ उनले भने, ‘पटकपटकको संसद विघट्न, पटकपटक संविधान, लोकतन्त्रमाथी भएको प्रहारबाट आम नेपाली जनता आजित भएको स्थिति थियो । त्यसकारण यो जनताको जितको रुपमा अगाडि आएको देख्छु ।’
अध्यक्ष प्रचण्डले संसद विघटन बदरको यो निर्णय इतिहासमै महत्वपूर्ण परिघटनाको रुपमा रहने र इतिहासले यसलाई सम्मान गर्ने बताए ।
उनले संविधान, लोकतान्त्रिक मूल्यमान्यता र राष्ट्रिय हितको रक्षाका लागि अदालतको फैसला आवश्यक बनेको बताए । यो ऐतिहासिक फैसला गर्ने सर्वोच्चका प्रधानन्यायधीशसहितलाई न्यायधीशलाई धन्यवाद दिए ।
बुद्ध लोप्चन