उज्यालो प्रतिनिधि
कञ्चनपुर । नेकपा प्रचण्ड नेपाल पक्षका नेता भीम रावलले वनमन्त्री नै तस्कर भए वनको हालत के हुने भन्ने चिन्ता वन संरक्षणकर्मीलाई भएको बताए ।
बिहीबार पार्टीको कञ्चनपुर जिल्लाको विस्तारित बैठक तथा अगुवा कार्यकर्ता भेटघाटमा उनले वनमन्त्री प्रेम आलेप्रति कटाक्ष गर्दैभने, ‘वन मन्त्री आउदा तस्कर आयो भन्दै निकै चर्चा हुने गरेको छ,’ उनले प्रधानमन्त्रीलाई सोधे, ‘यस्ता तस्करलाई वनमन्त्री बनाएर प्रधानमन्त्री ओलीले के गर्न खोजेका हुन् ?’
सुदूरपश्चिमलाई चार चार वटा मन्त्री बनाउनु पार्टी फुटको अस्त्र प्रयोग गर्न भएको उनले बताए । प्रधानमन्त्री ओलीको दम्भ र अहङ्काबाट संसद भंग गरिएको उनले बताए ।
प्रधानमन्त्री ओलीमा शक्ति र पदको उन्माद चढ्दा कोरोना कहरका बेला खोपका लागि ५० अर्ब चाहिने समयमा भएको संसद भंग गरेर ताजा जनादेशमा जान्छु, भनेर प्रधानमन्त्रीले झुटको खेती गरिरहेको उनको भनाइ थियो ।
उज्यालो प्रतिनिधि
बुद्ध लोप्चन