उज्यालो प्रतिनिधि
पोखरा । पोखराको मेगा बैंकमा कार्यरत एक कर्मचारीसहित गण्डकीमा ७ जनामा कोरोना संक्रमण देखिएको छ ।
मेगा बैंकको पोखरा १० बगर शाखामा कार्यरत महिला कर्मचारीमा संक्रमण पुष्टि भएकाे हाे ।
यसैगरी लमजुङका ६ सुरक्षाकर्मीमा पनि कोरोना पुष्टि भएकोे हो ।
यो सँगै गण्डकीमा कोरोना पुष्टि हुनेको संख्या २०९४ पुगेको छ ।
लमजुङमा कार्यरत ५ पुरुष प्रहरी र एक महिला प्रहरीमा कोरोना पुष्टि भएको स्वास्थ्य निर्देशनालय गण्डकीले जनाएको छ ।
संक्रमित सातै जना कन्ट्याक्ट ट्रेसिङमा परेको निर्देशनालयका निर्देशक डाक्टर विनोद विन्दु शर्माले जानकारी दिए ।
संक्रमितहरुलाई आइसोलेसन कक्षमा लैजाने तयारी भई रहेको छ ।
गण्डकीमा कोरोना संक्रमणबाट १२ जनाले ज्यान गुमाइसकेका छन ।
Facebook Comments Box
उज्यालो प्रतिनिधि
बुद्ध लोप्चन