काठमाडौं । परराष्ट्रमन्त्री प्रदीपकुमार ज्ञवालीले दातृ राष्ट्र वा विकास साझेदारसँग सहयोग लिँदा राष्ट्रहित प्रतिकूल हुने गरी विकास सहयोग स्वीकार नगर्ने बताए

प्रतिनिधि सभामा मंगलबार विनीयोजन विधेयकमाथिको छलफलमा उठेका प्रश्नको जवाफ दिँदै उनले सो कुरा बताएका हुन ।

‘विकास निर्माणको काम गर्दा नेपाल कुनै पनि रणनीतिक वा सैन्य गठबन्धनमा सहभागी हुँदैन’ मिलेनियम च्यालेञ्ज कर्पोरेसन (एमसीसी)बारे सांसदहरूले सोधेका प्रश्नबारे बोल्दै मन्त्री ज्ञवालीले भने, ‘भविष्यमा राष्ट्र हित प्रतिकूल हुने गरी सहयोग लिइने छैन भन्ने आग्रह गर्न चाहन्छु ।’

एमसीसीको सन्दर्भमा बहस गर्दा आत्मविश्वासमा कमी देखिएको उनको भनाई छ ।