विवेक लोप्चन
काठमाडौं । नेकपा एमालेका अध्यक्ष एवम् प्रधानमन्त्री खड्गप्रसाद ओलीले एमालेभित्र पनि ‘अधिनायकवाद’ लाद्न खोजेका छन् ।
नेकपा एमालेको नवौँ महाधिवेशनबाट निर्वाचित पदाधिकारीहरुलाई खारेज गर्दै ओलीले एमालेभित्र अधिनायकवाद लाद्न खोजेका हुन् । अधिनायकवाद भनेको एकलौटी शासन गर्ने प्रणाली र शैली हो ।
पार्टीको महाधिवेशनबाट निर्वाचित पदाधिकारीलाई बालुवाटारमा गुट भेला राखी खारेज गर्ने निर्णय गर्दै उनले अब एमालेभित्र अधिनायकवादको अभ्यास थालेका हुन् ।
यसअघि ओलीले तत्कालीन नेपाल कम्युनिष्ट पार्टी (नेकपा) भित्र अधिनायकवाद लादेका थिए । त्यसको फलस्वरुप पार्टी एकता भंगय भयो ।
त्यस्तै प्रतिनिधिसभा समेत भंग गरी ओलीले जनताको सर्वोच्च संस्था प्रतिनिधिसभाको हत्याको प्रयास गरेका थिए । आफूले भनेपछि सबै हुन्छ भन्ने ठानेका ओलीले संसदमाथि अधिनायकवाद लाद्न खोजेका थिए । तर, सर्वोच्चले उनको कदम रोकेका थिए ।
सर्वोच्चले नेकपा नामसँगै पार्टी एकता खारेज गरी पूर्व पार्टीहरु एमाले र माओवादी ब्युँताएका थिए । त्यसअघि प्रचण्डसँगै रहका माधवकुमार नेपाल र झलनाथ खनालको टिम एमाले फर्केका थिए ।
तर, उनीहरुसँग एकपटक पनि परामर्श नगरी ओलीले एकलौटी रुपमा महाधिवेशनको मिति पनि तोकेका छन् । आगामी मंसिर २ देखि ६ गतेसम्म महाधिवेशन गर्ने ओली पक्षको निर्णय छ ।
त्यस्तै माओवादीबाट एमालेमा विलय भएकाहरुलाई समेत एकलौटी रुपमा ओलीले जिम्मेवारी तोकेका छन् ।
ओलीको यो कदमपछि वरिष्ठ नेता झलनाथ खनालले उज्यालो नेटवर्कसँग भने, ‘अहिले हामी छलफलमा छौँ, यति भन्छु हुँदाहुँदा ओलीजीले एमालेमा पनि अधिनायकवाद लाद्न खोज्नुभयो, हामी मान्दैनौँ ।’
उज्यालो प्रतिनिधि
बुद्ध लोप्चन