काठमाडौं । गायक शिवराज जङ्गको मर्मस्पर्शी गीत ‘मुना’ सार्वजनिक गरिएको छ । गीतको भिडियोलाई डि.ए.आर. मुभीको अफिसियल युट्युब च्यानलबाट सार्वजनिक गरिएको हो ।

गायक स्वयं शिवराजकै रचना तथा संगीत रहेको गीतमा संगीत संयोजन गीतार मञ्जिल विक्रम के.सी.को रहेको छ भने कलाकारहरु सन्दीप श्रेष्ठ र अनु थापा मगरले अभिनय गरेका छन् ।

गीतको छायांकन ज्ञान चौलागाईंले गरेका हुन भने भिडियो निर्देशन तथा सम्पादन नवीन भट्टको रहेको छ । यसलाई फोरक्युवइन्टरटेन्मेन्ट्बाट निर्माण गरिएको हो।