२३ कार्तिक २०७७, आईतवार

गुल्मीको मालिका गाउँपालिकामा ‘एक घर, एक धारा’ कार्यक्रम प्रभावकारी बन्दै, स्थानीय खुसी !

मनोज कार्की मनोज कार्की २३ कार्तिक २०७७, आईतवार फुर्सद
2.9kViews
1685 Shares

गुल्मी । गुल्मीको मालिका गाउँपालिका–७ की चेतकुमारी मुखियाले आफ्नै घरको आँगनमा खानेपानीको धारा बन्ला भनेर सपनामा पनि सोचेकी थिइनन् । घमिर कुमाल गाउँकी मुखिया अहिले २३ वर्षकी भइन् ।

उनलाई सानै उमेरदेखि घरभन्दा निकै तल रहेको धाराबाट खानेपानी बोक्दा–बोक्दा वाक्क भइसकेको छ ।

उनी हिजो–आज स्थानीय सरकार सक्रिय भएर धारा निर्माण भइरहेको देख्दा दङ्ग छिन् ।

उनी मात्र होईन उनका छिमेकी झुपि कुमाल पनि उत्तिकै हर्षित छन् ।

गाउँपालिकाले निर्माण गरिदिएको धारामा नै भाँडा माझ्ने, कपडा धुने, नुहाउने लगायतका कामका लागि सहज भएको कुमालले बताइन् ।

यो पनि पढ्नुहोस् ...  चलचित्र पत्रकार संघ नेपाल मकवानपुर शाखाको चौथो अधिबेशन सम्पन्न

उनीहरु दुईजना प्रतिनिधि पात्र मात्र हुन् । उनीहरुजस्ता अरु मालिकावासीको दैनिकी पनि फेरिएको छ ।

गाउँपालिकामा एक हजार पाँच सय धारा निर्माण
मालिका गाउँपालिका गुल्मीले आठ वटा वडामा करिब १५ सय धारा निर्माण गरेको छ । एक घरमा एक घारा निर्माणको लागि ११ हजार ५ सय रकममा एक धारा निर्माण हुने मालिका गाउँपालिका अध्यक्ष रित बहादुर थापाले जानाकारी दिए ।

आफूहरुको कार्यकालसम्म सबै नागरिकको घरमा धारा पु¥याउँ लक्ष्यका साथ मालिका गाउँपालिका लागेको अध्यक्ष थापाले बताए ।

गाउँपालिकाको वडा नं ७ घमिर कुमाल गाउँ, काहाले बाँसखोला, चोरकाटे, सिजाँली, टुँलिखोला र साविकको ३ नम्बरको वडा कोट वरिपरीका बस्तिमा गरि करिब ४ सय धारा निर्माण भएका छन् । यी बस्तीहरुमा धारा निर्माण भएपछि खानेपानी लिन खोलामा धाउने समयमा नागरिकले अरुकाम गरि समय बचत भएको मालिका गाउँपालिका वडा नं ७ घमिरका वडा अध्यक्ष बेद प्रसाद पन्थीले बताए ।

यो पनि पढ्नुहोस् ...  दिपाश्रीलाई माफी दिन महानायकको अनुरोध

निर्वाचनको समयमा नागरिकलाई दिएका वाचा पूरा गर्न पाउँदा स्थानीय मात्र नभई जनप्रतिनिधिहरुमा पनि खुसी छाएको वडा अध्यक्ष पन्थीले बताए । सरकार , प्रदेश सरकारको लगानीमा धाराहरु निर्माण गरिएका छन् ।

गाउँपालिकाले अर्जै, घमिर, मर्भुङ्ग, अर्खावाङ्ग, छापहिले, ह्वाङदी, दर्लिङ्ग, नेटा लगायतका वडामा ‘एक घर, एक धारा’ को कार्यक्रमलाई अगाडि सारिएको छ । मालिका गाउँपालिकाले गत वर्ष खानेपानीको लागि संघ, प्रदेश र गाउँपालिकाबाट ३ करोड विनियोजन गरेको थियो ।

यो पनि पढ्नुहोस् ...  पाँचतारे होटलमा नारी दिवसको कार्यक्रम गरेर मात्रै हुँदैन : रेखा थापा

वडा न २ ह्वाङ्गदीको ८० लाख मध्ये कोरोनाका कारण १५ लाखको काम भएको थियो भने ६५ लाख फ्रिज भएको थियो । आर्थिक वर्ष ०७७/०७८ मा वडा न ५ छापहिलेमा १० लाख, ६ अर्जैमा ४० लाख, वडा न ७ घमिर ४० लाख प्रदेशबाट वडा न १ मा लिफ्टिङ्गको लागि ४० लाख बिनियोजन भएको मालिका गाउँपालिकाले जनाएको छ ।

सम्पादकीय

सबै

गैरजिम्मेवार सरकार

कोरोना भाइरस (कोभिड–१९) को महामारी तीव्र फैलिरहेको छ । दिनहुँ कम्तिमा २ हजारभन्दा बढी कोरोना संक्रमित थपिरहेको तथ्यांक छ ।

उज्यालो प्रतिनिधि उज्यालो प्रतिनिधि १७ कार्तिक २०७७, सोमबार

प्रहरी आदेशपालक होइनन्

उज्यालो प्रतिनिधि उज्यालो प्रतिनिधि १४ कार्तिक २०७७, शुक्रबार

टिभी कार्यक्रमबाट ठूलो पर्दामा डेब्यु गर्दै यी अभिनेत्रीको हेर्नुहोस बोल्ड तस्विर,

उज्यालो प्रतिनिधि उज्यालो प्रतिनिधि १८ बैशाख २०७७, बिहीबार

अभिनेत्री सारा अलीलाई फ्यानको प्रश्न : ‘भाइसँग यस्तो गर्न तिमीलाई लाज

उज्यालो प्रतिनिधि उज्यालो प्रतिनिधि २६ फाल्गुन २०७६, सोमबार