थप २६ जनामा कोरोना संक्रमण, सुदूरपश्चिममा संक्रमितको संख्या चार हजार ४३७ पुग्यो

१६ श्रावण २०७७, शुक्रबार १६:५९ मा प्रकाशित

धनगढी । सुदूरपश्चिम प्रदेशमा शुक्रबार थप २६ जनामा कोरोना संक्रमण देखिएको छ । योसँगै सुदूरपश्चिममा कोरोना संक्रमितको संख्या चार हजार ४३७ पुगेको छ।

सेती प्रादेशिक अस्पतालको प्रयोगशालामा पछिल्लो २४ घण्टामा दुई सय ७१ जनाको कोरोना परीक्षण भएकोमा धनगढी उप–महानगरपालिकाका १६ जना सहित सुदूरपश्चिमका थप २६ जनामा संक्रमण पुष्टि भएको अस्पतालले जनाएको छ ।

धनगढी उप–महानगरपालिकाका ८ महिला र ८ पुरुषमा संक्रमण पुष्टि भएको छ भने कैलालीको टीकापुर एक महिला र ६ पुरुष गरी सात जना, बझाङको मष्टा–१ का २० बर्षीय पुरुष, छव्विसपाथिभेरा गाउँपालिका वडा नम्वर ७ का ४२ बर्षीय पुरुष, कञ्चनपुरको भीमदत्त नगरपालिका वडा नम्वर १७ का २५ बर्षीय पुरुषमा कोरोना पुष्टि भएको छ ।

अल न्युज नेट्वर्कद्वारा सञ्चालित उज्यालो नेट्वर्क डटकम नेपाली, अंग्रेजी संस्करणका साथै अनलाइन टिभी पनि सञ्चालित छ । हामीसँग फेसबुकट्वीटर मार्फत पनि जोडिन सक्नुहुनेछ ।

सामाजिक संजालवाट साभार