सुक्रे । बोलिभियाका सिनेटका अध्यक्ष मोनिका इभा कोपाले आफूलाई कोरोना पुष्टि भएको बताएका छन् । बोलिभियाका अन्तरिम राष्ट्रपति जीनिन आनेज चाभेज कोरोना भाइरस पोजेटिभ रहेको पुष्टि गरेको एक दिनपछि कोपालाई पनि कोरोना पुष्टि भएको हो ।

विश्वमा चलेको यस महामारीको अवस्थामा आवश्यक समयको लागि आफू अलग्गै बस्ने उनले बताउनु भएको छ । ‘मेरो अवस्था स्थिर छ, र म आफ्ना कर्तव्यहरू पूरा गर्छु, अलग्गै बसेर नैं काम गर्नेछु,’ कोपाले शुक्रबार अबेर राति गर्नु भएको आफ्नो ट्विटर पृष्ठमा लेखेका छन् ।