उज्यालो प्रतिनिधि
काठमाडौँ । ब्राजिली राष्ट्रपति जायर बोल्सेनारोलाई कोरोना सङ्क्रमण पुष्टि भएको छ । मङगलबार ब्राजिली टेलिभिजनमा बोल्दै राष्ट्रपति बोल्सेनारोले आफू सङ्क्रमित भएको खुलाउनुभएको हो ।
सीएनएनका अनुसार राष्ट्रपति बोल्सेनारोले देशको अधिकांश व्यक्तिसम्म कोरोनाभाइरसको सङ्क्रमण पुग्ने बताउनुहुँदै आफूले सोमबार परीक्षण गराएकोमा सङ्क्रमणको पुष्टि भएको जानकारी दिनुभयो ।
उहाँले भन्नुभयो, “आइतबार मैले राम्रो महसुस गरिनँ, सोमबार अझै खराब हुँदै गयो र थकित अनुभव गर्नुका साथै मांसपेशीमा पीडा महसुस हुन थाल्यो, लगत्तै शरीरको तापक्रम ३८ डिग्री सेल्सियस मापन गरेँ ।” यी सबै लक्षणहरू देखिएपछि राष्ट्रपतिका चिकित्सकको समूहले कोभिड–१९ को लक्षण भएको सुझाव दिएपछि आफू अस्पताल पुगेको उहाँले बताउनुभयो ।
Facebook Comments Box
बुद्ध लोप्चन