उज्यालो प्रतिनिधि
सिन्धुपाल्चोक । बागमती प्रदेशका सामाजिक विकासमन्त्री युवराज दुलाल ‘शरद’ को पहलमा चौतारा- काठमाडौं जोड्ने छोटो मार्गको निर्माण कार्य अघी बढेसँगै जिल्लावासी उत्साहित भएका छन । चौतारा–सीपाघाट–कात्तिके हुँदै काठमाडौं पुग्ने ५५ किलोमिटर सडक निर्माणको कार्य थालनी सँगै जिल्लावासी उत्साहित भएका हुन ।
गत वर्ष ३० करोड विनियोजन भएको चौतारादेखी झ्याँडीखोलासम्म १० किलोमिटर कालोपत्रे भइरहेको छ भने यस बर्ष मन्त्री दुलालकै योजनामा ५४ करोड विनियोजन भएको छ । विनियोजित रकमले झ्याँडीखोलादेखि देउरालीसम्मको १२ किलोमिटरमा कालोपत्रे हुनेछ । अहिलेको बजेट र पुरानो ३० करोडको बजेटले सिपाघाटसम्म सडकलाई पीच गरिने जनाईएको छ । हालको चौतारा–काठमाडौं भन्दा यो सडक २९ किलोमिटर छोटो छ ।
उक्त योजनालाई आफ्नो कार्यकालभित्र सकाउने मन्त्री दुलालको लक्ष्य छ ।
Facebook Comments Box
उज्यालो प्रतिनिधि
बुद्ध लोप्चन