उज्यालो प्रतिनिधि
काठमाडौं । कोरोना भाइरसबाट प्रभावित चीनको वुहानमा हरेका नेपालीहरुको उद्धारका लागि नेपाल वायुसेवा निगमको वाइडबडी जहाज त्यतातिर उडेको छ । शनिबार नेपाली समयअनुसार अपह्न ४ बजेर १ मिनेटमा काठमाडौँको त्रिभुवन अन्तर्राष्ट्रिय विमानस्थलबाट बाटवाइडबडी जहाज वुहानका लागि उडेको हो ।
चीन गएको विमानमा १ विदेशी र १ नेपाली गरी दुई जना पाइलट, ६ जना क्याबिन क्रु, १ जना इन्जिनियर, १ जना फ्लाइट डिस्प्याचर, १ जना लोड मास्टर र ४ जना नेपाली सेनाका चिकित्सक रहेको बुझिाएको छ ।
चीनमा रहेका नेपालीहरु वुहान एयरपोर्टमा जम्मा भइसकेको बुझिएको छ । स्थानीय समयअनुसार राति ११ बजे वुहानबाट नेपाली नागरिकलाई लिएर जहाज काठमाडौं फर्कनेछ।
उनीहरुलाई आइतबार बिहान सवा २ बजे विमान काठमाडौंमा अवतरण गर्ने तालिका रहेको छ । चीनबाट फर्किएका १८२ जनालाई १४ दिन भक्तपुरको खरिपाटीमा अवस्थित नेपाल विद्युत् प्राधिकरणको तालिम केन्द्रमा राखिने भएको छ ।
उज्यालो प्रतिनिधि
बुद्ध लोप्चन