उज्यालो प्रतिनिधि
काठमाडौँ । प्रमुख प्रतिपक्षी दल नेपाली काँग्रेस केन्द्रीय सदस्य शेखर कोइरालाले बालुवाटारस्थित ललिता निवासको जग्गा प्रकरणमा सरकार र अख्तियार दुरुपयोग अनुसन्धान आयोगको मिलेमतो देखिएको आरोप लगाएका छन् ।
कोइरालाले शनिबार विज्ञप्ति जारी गर्दै मन्त्रिपरिषदले गरेको निर्णयलाई नीतिगत निर्णय भनेर उन्मुक्ति दिने र कसैलाई जग्गा फिर्ता गर्ने सर्तमा मुद्दा नचलाउनुले सरकारसँग अख्तियारको मिलेमतो रहेको पुष्टि भएको बताए ।
‘वालुवाटार जग्गा प्रकरणमा सरकार र अख्तियारको मिलेमतो देखियो । केहीलाई मन्त्रिपरिषदको नीतिगत निर्णय भन्दै उन्मुक्ति दिइयो । केहीलाई जग्गा फिर्ता गर्ने सर्तमा मुद्दा चलाइएन,’ कोइरालाद्वारा जारी विज्ञप्तिमा उल्लेख छ ।
अख्तियारको पछिल्लो कदमबाट निष्पक्षता र संवैधानिक स्वायत्तता माथि प्रश्न उठेको कोइरालाले उल्लेख गरे । उनले भने, ‘अख्तियारको यो कार्य लोकतन्त्र र देशका लागी यो दुर्भाग्य छ ।’
गत बुधबार अख्तियारले तत्कालीन प्रधानमन्त्रीद्वय मधव नेपाल, बाबुराम भट्टराइसहितलाई उन्मक्ति दिँदै काँग्रेस उपसभापति विजय कुमार गच्छदारसहित १७५ जना विरुद्ध विशेष अदालतमा भ्रष्टाचार मुद्दा दायर गरेको थियो ।
उज्यालो प्रतिनिधि
बुद्ध लोप्चन