उज्यालो प्रतिनिधि
एजेन्सी – जर्मन बुन्डेसलिगामा डेब्यु गरिरहेका फरवार्ड ह्यारी केनले उच्च प्रदर्शन गर्दा बायर्न म्युनिखले लिगको नयाँ सिजनमा विजयी सुरुवात गरेको छ ।
वेर्डर ब्रेमेनलाई ४–० को फराकिलो अन्तरले हराउँदै लगातार ११ पटक उपाधि जितेको बायर्नले सुखद हासिल गरेको हो । बायर्नको जितमा नयाँ फरवार्ड ह्यारी केनले १ गोल र १ असिस्ट प्रदान गरे ।
लेरोय सानले २ गोल गर्दा केनकै स्थानमा मैदान छिरेका म्याथिस टेलले १ गोल थपे । खेलको चौथो मिनेटमा केनले मिडफिल्डबाट दिएको उत्कृष्ट पासलाई सानेले पेनाल्टी क्षेत्र भित्र पुर्याएर फिनिस गरे ।
दोस्रो हाफमो ७० अौं मिनेटमा केनले जर्मन लिगमा पहिलो गोल गरे । अल्फोन्सो डेभिसको पास नियन्त्रणमा लिँदै उनले गोलरक्षक पाभ्लेन्कालाई बिट गरेका थिए ।
केन ८४ अौं मिनेटमा बाहिरिएपछि पनि बायर्नको आक्रमण कायम रह्यो । मुलरको पासमा सानेले फस्ट टचमा गोल गरे । इन्ज्युरी समयमा डेभिसकै पासमा टेलले पेनाल्टी क्षेत्र भित्रबाट शक्तिशाली प्रहारमार्फत ४(० को जित दिलाए ।
यससँगै बायर्नले जर्मन सुपर कपमा आरबी लाइप्जिगसँग हार बिर्साएको छ । उक्त खेलमा ३० ले पराजित बायर्न यसपटक लिग उपाधि लगातार दर्जन पुर्याउने लक्ष्यमा छ ।
उज्यालो प्रतिनिधि
बुद्ध लोप्चन