‘ज्येष्ठ नागरिकको घरदैलोमा स्वास्थ्यकर्मी’ कार्यक्रम

उज्यालो प्रतिनिधि २५ श्रावण २०७९, बुधबार समाचार

म्याग्दी ।  म्याग्दीको बेनी नगरपालिकाले ‘ज्येष्ठ नागरिकको घरदैलोमा स्वास्थ्यकर्मी’ कार्यक्रम सुरु गरेको छ । सत्तरी वर्षभन्दा बढी उमेरका ज्येष्ठ नागरिकलाई घरदैलोमै पुगेर स्वास्थ्योपचारसम्बन्धी सेवा उपलब्ध गराउन नगरपालिकाले कार्यक्रम सञ्चालन गरेको हो । नगरप्रमुख सुरत केसीले स्वास्थ्यकर्मीले ज्येष्ठ नागरिकको स्वास्थ्य अवस्थासहितको विवरण सङ्कलन थालेका जानकारी दिए ।

“ज्येष्ठ नागरिकको स्वास्थ्य समस्या पहिचान गरी घरदैलोमै औषधोपचार गर्न कार्यक्रम कार्यान्वन गरेका हौँ”, उनले भने, “पहिलो चरणमा मङ्गलबारदेखि सातवटा वडामा ज्येष्ठ नागरिकको लगत सङ्कलन सुरु भएको छ ।” बेनी बजारभित्र पर्ने वडा नं ७ र ८ का बासिन्दाले जिल्ला अस्पतालबाट सेवा लिने गरेका छन् । वडा नं ६ मा स्वास्थ्यकर्मीको जनशक्ति नभएकाले केही दिनमा घरदैलोमा खटाउने नगरपालिकाको योजना छ । ठूला वडामा एक हप्ता र साना वडामा तीनदेखि चार दिनभित्र ज्येष्ठ नागरिकको लगत सङ्कलन गरिसक्ने नगरप्रमुख केसीले बताए।

ज्येष्ठ नागरिकको घरमा पुगेर स्वास्थ्य अवस्था, समस्या, प्रयोग गरेको औषधिका विषयमा समेत विवरण सङ्कलन गर्ने स्वास्थ्यकर्मीले परामर्श सेवा पनि दिनेछन् । स्वास्थ्यकर्मी घरदैलोमा गएको पहिलो दिनमै लुकेका स्वास्थ्य समस्या पहिचान भएको छ । वडा नं ५ पुलाचौरमा दुर्घटनामा परेर घाइते भएकी एक वृद्धाको खुट्टामा राखिएको स्टिल नझिकिएका कारण घाउ परेको अवस्थामा भेट्टाएका छन् । ती वृद्धालाई पोखरामा थप उपचारको व्यवस्था मिलाइने नगरप्रमुख केसीले बताए ।

लगत सङ्कलन भएपछि नसक्नेलाई घरमै र हिँड्न सक्नेलाई टोल–टोलमा चिकित्सकलाई लगेर औषधि र उपचार सेवा दिने योजना बनाएको नगरप्रमुख केसीले बताए । कार्यपालिकाको पहिलो बैठकले निर्णय गरेको ज्येष्ठ नागरिकको घरदैलोमा स्वास्थ्यकर्मी कार्यक्रमका लागि बेनी नगरपालिकाले चालु आर्थिक वर्षमा रु १२ लाख विनियोजन गरेको छ ।

यसैगरी बेनी नगरपालिकाले हरेक महिनाको १५ गते नसर्ने रोग पहिचानका लागि शिविर सञ्चालन गर्दै आएको छ । मुटु, मिर्गौला, उच्च रक्तचाप, मधुमेहलगायत नसर्ने रोगका बिरामी पहिचान गरी उनीहरुलाई उपचारको पहुँचमा ल्याउन कार्यक्रम सञ्चालन गरेको हो ।

यसैगरी सामुदायिक विद्यालयको अवस्था, समस्या, सम्भावना र चुनौती पहिचान गरी सुधारको उपाय खोज्न बेनी नगरपालिकाले नगरप्रमुख केसी, उपप्रमुख ज्योति लामिछाने र सामाजिक विकास समितिका संयोजक चक्र केसीको नेतृत्वमा तीनवटा टोलीले नगरका सबै सामुदायिक विद्यालयमा एकैसाथ अनुगमन थालेको छ । दशवटा वडा भएको बेनी नगरपालिकामा ५६ सामुदायिक विद्यालय छन् । अनुगमनबाट प्राप्त हुने प्रतिवेदनका आधारमा बेनी नपाको शैक्षिक सुधारको योजना बनाएर कार्यान्वयन गर्ने नगर उपप्रमुख लामिछानेले बताए ।

 

उज्यालो नेटवर्कका अन्य समाचार पनि पढ्न सक्नुहुन्छ । 

Facebook Comments Box

सम्पादकीय

सबै

सम्पादकीय : संविधान संशोधनको बाटोमा अगाडि बढौँ

आज संविधान दिवसको सातौँ संस्करण । आजभन्दा ६ वर्षअगाडि वि.स. २०७२ साल असोज ३ गते मुलुकमा संविधान जारी भएको थियो

उज्यालो प्रतिनिधि ३ आश्विन २०७८, आईतवार

विशेष सम्पादकीय : राष्ट्रपतिलाई महाअभियोग लगाउन बिलम्ब नगरौँ

बुद्ध लोप्चन २८ असार २०७८, सोमबार

ख्यालख्याल होइन, कोरोना

उज्यालो प्रतिनिधि २५ बैशाख २०७८, शनिबार

विशेष सम्पादकीय : खड्गप्रसाद तुरुन्त बोल, उज्यालो नेटवर्ककर्मीलाई बिना शर्त रिहाई

उज्यालो प्रतिनिधि १२ बैशाख २०७८, आईतवार