उज्यालो प्रतिनिधि
काठमाडौं । नेकपा एकता राष्ट्रिय अभियानका संयोजक तथा राष्ट्रिय सभा सदस्य वाममदेव गौतमले अमेरिकालाई एमसिसी परियोजना फिर्ता लैजान आग्रह गरेका छन्।
उनले मंगलबार एक प्रेस विज्ञप्ति जारी गर्दै एमसिसीले नेपालमा जनमतको विभाजन गरेको भन्दै परियोजना फिर्ता लैजान आग्रह गरेका हुन्।
गौतमद्वारा विज्ञप्तिमा भनिएको छ, ‘एमसिसी सम्झौताले गर्दा अमेरिकाप्रति नेपाली जनताले गम्भीर आशंका व्यक्त गरेका छन्। यसको कार्यान्वयनबाट नेपालको स्वतन्त्रता र सार्वभौमिकतामा आँच पुग्ने शंका गर्न थालिएको छ। उपरोक्त अवस्थालाई मध्यनजर गर्दै एमसीसी परियोजनाले नेपालको हितभन्दा पनि जनमतको विभाजनका कारण गम्भीर अहित हुने अवस्था सृजना हुने देखिएको छ।’
Facebook Comments Box
बुद्ध लोप्चन