नवलपरासी पश्चिम । नवलपरासी पश्चिमको सशस्त्र प्रहरी नेपाल २६ नं गण बेलासपुरले कोभिड-१९ सम्बन्धित जनचेतनामूलक कार्यक्रमसंगै मास्क वितरण गरेको छ । कोभिडको बढ्दो जोखिमलाई मध्यनजर गर्दै सशस्त्र प्रहरी बल नेपाल गण नं २६ गणले पाल्हिनन्दन गाउँपालिकाको बेलासपुर चोकमा सर्वसाधारण स्थानीयलाई कोभिडबाट बच्न अपनाउनुपर्ने सावधानीसंगै मास्क र पम्पलेट वितरण गरेको हो ।

कार्यक्रममा प्रमुख जिल्ला अधिकारी सागर मणि पाठक , सशस्त्र प्रहरी बल नेपाल गण नं २६ बेलासपुरका गणपति महेश अधिकारी, पाल्हिनन्द गाउँपालिका अध्यक्ष दिपक गुप्ता ( बैजु ), राजनीतिक दलका प्रतिनिधि, पत्रकार लगायतको उपस्थिति थियो ।

उपस्थित जन समुदायलाई संबोधन गर्दै सशस्त्र प्रहरी बल नेपाल नं.२६ गण हे.क्वा. नवलपरासी पश्चिमका गणपति सशस्त्र प्रहरी उपरीक्षक महेश अधिकारीले निकट भविष्यमा समेत यस्ता जनचेतनामुलक कार्यक्रमहरु संचालन गरिदै जाने बताए ।