उज्यालो प्रतिनिधि
एजेन्सी । विश्वभर महामारिको रुपमा फैलिरहेको कोरोना भाइरस (कोभिड-१९)बाट बङ्गलादेशमा विगत २४ घण्टामा तीन हजार २४३ जना संक्रमित थपिएका छन ।
स्वास्थ्य मन्त्रालय स्रोतले शुक्रबार जानकारी दिएको अनुसार बङ्गलादेशमा अघिल्लो दिन कोरोनाभाइरस सङ्क्रमण पुष्टि हुनेको सङ्ख्या तीन हजार ८०३ रहेको थियो ।
‘पछिल्लो तथ्याङ्क अनुसार बङ्गलादेशमा कोभिड–१९ सङ्क्रमितको सङ्ख्या एक लाख पाँच हजार ५३५ पुगेको छ भने मृत्यु हुनेको सङ्ख्या एक हजार ३८८ पुगेको छ’ स्वास्थ्य मन्त्रालयका उच्च नसिमा सुल्तनाले बताए । ‘विगत २४ घण्टामा कोरोनाभाइरस सङ्क्रमण पुष्टि हुनेको सङ्ख्या तीन हजार २४३ पुगेको छ भने ३२ पुरूष र १३ महिला गरी सङ्क्रमितको मृत्यु भएको छ’ उनले भने ।
बङ्गलादेशमा विगत २४ घण्टामा देशभर कूल १५ हजार ४५ व्यक्तिको कोभिड–१९ सङ्क्रमण परीक्षण गरिएको थियो । यो समयमा दुई हजार ७४१ जना निको भई घर फर्किएसँगै अहिलेसम्म निको हुनेको सङ्ख्या ४२ हजार ९४५ पुगेको छ ।
बुद्ध लोप्चन