नेकपाको भविष्य कठिन मोडमा आइपुग्यो : महासचिव पौडेल

रुपन्देही । सङ्घीय सरकारका अर्थमन्त्री तथा नेपाल कम्युनिष्ट पार्टी (नेकपा) का महासचिव विष्णु पौडेलले नेकपाको भविष्य कठिन मोडमा आइपुगेको बताउनुभएको छ । प्रेस संगठन रुपन्देहीले आज साँझ बुटवलमा आयोजना गरेको पत्रकार भेटघाटमा उहाँले नेकपामा यो तहको समस्या कहिल्यै नदेखिएको बताउनुभयो । उहाँले भन्नुभयो, “कठिन र जटिल अवस्थामा आइपुगेको नेकपालाई एकताबद्ध गरेर जनताका अपेक्षा पूरा गर्न सक्छौँ की सक्दैनौँ भन्ने प्रश्न अहिले खडा भएको छ ।” महासचिव पौडेलले नेकपाको भविष्यसँग देश र जनताको भविष्य जोडिएको बताउँदै पार्टी एकता जोगाउँदै विवाद समाधान गरी अघि बढ्नुको विकल्प नभएको बताउनुभयो । उहाँले अन्तिम क्षणसम्म पनि पार्टी एकता जोगाउन लागी पर्ने उल्लेख गर्नुभयो । पार्टीभित्र मर्यादाले सीमा नाघेको चर्चा गर्दै उहाँले सबैले पार्टीको विधि र प्रक्रियाभित्र रहेर छलफल गर्न जरुरी रहेको स्पष्ट पार्नुभयो । मर्यादा थप पढ्नुहोस् ...

उज्यालो प्रतिनिधि ९ मंसिर २०७७, मंगलवार