उज्यालो प्रतिनिधि
काठमाडौं । नेपाल सरकारले जारी गरेको लिपुलेख, लिम्पियाधुर, कालापानी समेटिएको अद्यावद्यिक नक्साको समर्थन गरेपछि भारतीय सञ्चारमाध्यममा उनको चर्को आलोचना भइरहेको छ।
भारतीय सञ्चारमाध्यमले मनिषाले भारतको खाएर चीनको गुनगान गाएको भन्दै उनीविरुद्ध आलोचना गरेका छन्। मनिषाले पराराष्ट्रमन्त्री प्रदीपकुमार ज्ञवालीको नयाँ नक्सासम्बन्धी ट्विटको रिट्विट गर्दै नेपाल सरकारलाई धन्यवाद दिएकी थिइन्।
उनले ट्विटमा भनेकी छन्, ‘हाम्रो सानो राष्ट्रको मर्यादा राख्नु भएकोमा धन्यवाद। हामी सबै अब तीन महान राष्ट्रहरुबीच शान्तिमय र सम्मानजनक छलफलको प्रतीक्षा गरिरहेका छौं।’
मनिषाले तीन राष्ट्र भनेर चीनलाई बीचमा ल्याएको र चीनको गुनगान गाएको भन्दै भारतीय सञ्चारमाध्यमले उनलाई भारतमा प्रतिबन्ध लगाउन समेत माग गरेका छन्। भारतमा उनको चर्को आलोचना भइरहँदा यता नेपालमा भने मनिषाको व्यापक प्रशंसा भएको छ। उनले भारतमा भिख नमागेको र आफ्नो कला बेचेको नेपालीहरुले प्रतिक्रिया दिएका छन्।
यतिबेला ‘आइएम विथ मनिषा कोइराला’ ट्वीटरको ट्रेन्डिङको नम्बर वानमा पुगेको छ। यससँगै ‘ब्याक अफ इन्डियन मिडिया र कालापनि बिलोंग्स टु नेपाल’ पनि नेपालको ट्वीटरमा ट्रेन्डिङमा छ।
Thank you for keeping the dignity of our small nation..we all are looking forward for a peaceful and respectful dialogue between all three great nations now ? https://t.co/A60BZNjgyK
— Manisha Koirala (@mkoirala) May 18, 2020
उज्यालो प्रतिनिधि
बुद्ध लोप्चन