उज्यालो प्रतिनिधि
मुम्बई । कोरोनाको कारण भारतमा विगत एक महिना भन्दा लामो समयदेखि लकडाउन जारी छ ।
भारतमा जारी लकडाउनका कारण अभिनेता इरफान खानले आफ्नो आमाको अन्तिम संस्कारमा समेत सहभागी हुन पाएनन् ।
इरफानको आमा सइदा बेगमको शनिबार निधन भएको हो । इरफान भने अहिले देश बाहिर रहेका छन् ।
लकडाउनका कारण उनी विदेशमै रोकिएकोले आमाको अन्तिम संस्कारमा समेत सहभागी हुन नपाएको भारतिय मिडियाले जनाएका छन् ।
९५ बर्षीय साईदाको राजस्थाको जयपुरमा स्थित आफ्नै निवासमा निधन भएको हो । इरफान एक फिल्मको छायाँकनका लागि लकडाउन अगाडि विदेश उडेका थिए ।
साईदाको अन्तिम संस्कार शनिबार साँझ गरिएको थियो । लकडाउन भएको कारणले अन्तिमसंस्कारमा उनका परिवारका सदस्य मात्र सहभागी रहेको बताइएको छ ।
Facebook Comments Box
उज्यालो प्रतिनिधि
बुद्ध लोप्चन